Ra’iisulwasaaraha Dawladda Federaalka ah ee Soomaaliya Mudane Cumar Cabdirashiid Cali Sharmaa’ake oo shalay ka qaybaglay Barnaamijka Kulanka Todobaadka ee Radio Muqdisho ayaa shaaca ka qaaday in isaga iyo Gudoomiyaha Baarlamaanka Soomaaliya ay kawada hadleen in 2 bilood lagu kordhiyo wakhtigii doorashada ay dhici lahayd taas oo ku aadan 12 September 2016.
Waxaa uu sheegay Ra’iisulwasaraaha Soomaaliya in wax dhibaato ah aysan keenayn mudo kordhintaas ay smaaynayaan doorashada ay u dhacayso habkii loogu talo galay.
“Waxaa rajeyneynaa hadii Baarlamaanka arrintaas si dhaqse ah ku guda galo doorashada waqtigeeda waa ku dadaaleynaa inaan isla waqtiga ku saleyno, hadii ay dhacdo ayadoo la shaqeynayo farsamo ahaan wax yar ku darsoomaan muhiim waxaa ah inaan waqti iska qaadin, waa jirtaa anaga iyo Guddoonka inaan ka wada hadalnay in labo bil la siiyo Xildhibaanada si ay olole u sameeyaan, qadarin weyn ayaa siineynaa hadii dib u dhacno wax badan dib uma dhici doono 2016 gudaheed ayay doorashada ku dhaceysaa”ayuu yiri Ra’iisul Wasaare Cumar Cabdirashiid.
Arrimaha soo xulista Baarlamaanka Aqalka Sare iyo kan hoose ayuu sheegay in ay ku rajo wayn yihiin in si xalaal ah oo musuq maasuq la’aan ah ay ku dhacdo soo xulistaas.
Qorshaha Cusub ee Ra’iisulwasaraaha Soomaaliya iyo Gudoomiyaha Baarlamaanku kawada hadleen ayaa ka dhigaya in doorashada dalka ay qabsoonto December, iyadoona aan la ogayan in arrinkaas ay aqbali doonaan Maamul Goboleedyada oo Muqdisho ku saxiixay inaan wax mudo kordhin ah loo samaynayn Hay’adaha Dwladda Soomaaliya.
Maanta oo Sabti ah ayaa lagu wadaa in Ra’iisulwasaaraha Soomaaliya uu hortago Baarlamaanka Soomaaliya oo leh kulan, waxaana uu soo bandhigayaa habka doorasho ee dalka kaas oo nuqulo ka mid ah la gaarsiiyay hay’adaha Dastuuriga ee xaqa u leh.
C/llaahi Warmooge
ARAABINEWS