Madaxweynaha Somaliya Maxamed Farmaajo ayaa shalay magacaabay guddi xal raadinta oo meel saarta tabashada maamulka uu hogaamiyo Muuse Biixi ee Somaliland. Lama fadhiisanayno guddigaas uu magacaabay.
Shir Ingiriisku ugu qabtey London maamulkii fadhiid Sheekh Shariif ayuu ku saxiixay in meel la saaro tabashooyinka Somaliland, waxase waxba kama jiraan laga soo qaaday deeqo shirkaasi loogu deeqay Somaliya.
Muuse Biixi oo war ka soo saaray guddigaas ayaa sheegay in madaxweynaha Smaliya meelkasta cadaadin saaray oo ay ugu dambetysay xoolihii Sucuudigu diidey iyo mashaariic Imaaraadku fulinaayay oo xataa dadka reer Somaliland ogeyn waxa lagu heshiiyay.
Muuse Biixi ayaa sidaa darteed sheegay in erayga WALAALAHEENA SOMALILAND uu yahay mid carabkiisa iyo camalkiisu is waafaqsanayn.
Wuxuu ku celiyay in arinta Somaliland looga garnaqi karo meel uu joogo shisheeye oo dadka badankiisu u qabaan inuu yahay Ingiriiska ama kuwa ay u arkaan inay danahooda ka helayaan sida Norwey iyo Danmark. Turkiga hore ayay u diideen.
Waxa kale oo Muuse Biixi ka xanaaqay erayga Federaal oo ku jirtey warbixinta magacaabista madaxweyne Farmaajo sameeyay, wuxuu sheegay in Somaliland ”Jamhuuriyad tahay” xilli hore qaadatey xoriyadeeda haddana muddada burburka gooni u taagneyd.
Wuxuuna ku soo xirey diidmada guddigaas inay ku tahay gef siyaasi ah, Somaliland-na wixii gudaheeda ah iyadaa dhammaysata, cadowgeedana waxa ay u jawaabtaa iyada oo midaysan, muwaaddinka Somaliland-na kama suurowdo inuu gadhwadeen u noqdo cadowga dalkiisa.
Waxa Muuse Biixi la kulmey safiirka midowga Yurub ee Somaliya wuxuuna kala Hadley arintan dib u heshiisiinta Somalida dhexdeeda. Waxaanad moodaa in sheekada wadahadalka halkaas ku xirmey in muddo ah.
Warbixintii Maxamed Yuusuf
ARAABINEWS