Muwaadin waxqabad dhaba lagu yaqaaney oo xil la wareegay gobolka Awdal

Dr Maxamed Xaaji Cumar Yaabe oo dad badan aad uga naxeen markii xilka laga qaaday sanadkii hore isagoo lagu diirsadey waxqabadka uu gaarsiiyay gobolada Awdal iyo Salal, gaarsiiyayna heer ayna weligood gaarin gaar ahaana dhinaca fidinta adeegyada caafimaadka, ayaa maanta sanad kadib maalin isku mida maalintii xilka laga qaadey lagu wareejiyay jagada isku-duwaha caafimaadka ee gobolka.#

Magacaabista Dr Maxamed Xaaji Cumar Yaabe waxa ka biyo diidey madaweyne ku xigeenka Somaliland C/raxmaan Saylici oo qabey in jagadaasi ku fiicneyd beeshiisa laakiin ku guuldaraystey ugu dambeyn inuu bedelo saxiixa wasiirka caafimaadka oo sariir jiifa.

Wasiirka caafimaadka ayaa laga soo xigtey ”war dhiiga ha igu Karin sariir ayaan jiifaa ma bedelayo warqada aan qalinkeyga ku qorey, waxaanan ka xigaa iscasilaad.

Madaxweynaha Somaliland Muuse Biixi ayaa markii Saylici ula cararay isna u sheegay inaanu bedelin karin warqad saxiixan ayna tahay sidii wasiirku u magacaabay. Waxa goobtaas ka raacdey Saylici hoos u dhac weyn oo aanu filanayn.

Waana nasiib daro masuul la filaayay inuu u dhexeeyo dadka uu magacooda ku fadhiyo Hargeysa ee reer Awdal inuu wax u soo dhiciyo mooyee iyagii u kala qabyaaladeynaya.

Maxamed Yuusuf

ARAABINEWS

Share on Facebook

Tweet

Follow us

Save