Ridwaan Xaaji wuxu ka mid ahaa wariyeyaasha xafiiska raiisal wasaaraha isagoo shaqada bilaabey xilligii raiisal wasaare Saacid siina waday Cabduwelli Sheekh Axmed waxase sheekadu isbedeshay markjii ina C/rashiid Sharmaake shaqada markale dib loogu soo celiyay.
Nin ay si dhow u soo wada shaqeeyen Ridwaan, ayaa sheegay inuu xilka isaga casilay dhaqaalo xumo, xilli muddo dhowr bilood ihi aynaan wax mushaaraad ihi qaadan Shaqaalaha Dowladda Somaliya.
Ninkaan oo inaga codsaday inaan magaciisa Warbaahinta loo adeegsan, ayaa yiri “Sida aad la socotaan Shaqaalaha Dowladda ma qaadan wax mushaaraad ah in ka badan afar bilood, Ridwaan Xaaji C/weli wax kale iskuma uusan casilin ee lacag la’aan ayuu meesha kaga tagey.”
Markale, ayuu yiri “Waxaa lagu yeeshay lacago badan oo Hotelkii uu deganaa ah, wuxuu deganaa Ambassador Hotel oo ku yaala Isgoyska Taleex ee Degmada Hodan, waxaa intaas dheer inuu waayay shidaal uu ku shubto gaarigiisii.”
Waxa uu intaa ku daray “Wax badan ayuu Ra’iisal Wasaaraha kala hadlay inuu lacag la’aan yahay, Ra’iisal Wasaarahana wax dheg jalaq ah uma siinin. Marka taasaa u sabab ah inuu xilkii iska casilo.”
Waxa dad badan ka yaaban yihiin iyadoo shaqaalihii hore loo waayay lacag in wali ay qoranayan shaqaale kale.
C/llaahi Warmooge
ARAABINEWS.COM