Waxaa dalka India laga helay qof lagu sheegay inuu yahay ninka ugu da’a weyn dunida inta la og yahay, iyadoo lagu daray Buugga lagu qoro waxyaabaha la yaabka leh ee dunida ee Guinness-ka.
Ninkan oo lagu magacaabo Mahashta Murasi wuxuu sheegtay inuu dhashay sanadkii 1835-kii, isagoo markaas da’diisu noqneyso 180 sano, wuxuu ku dhashay magaalada Bangalore ee Waqooyiga dalka India.
Ninkan cimrigiisu dheeraaday ee ka badan 180 sano waxaa hadda loo heystaa inuu yahay qofka ugu cimriga dheer ee dunida dusheeda la keenay sida Buugga Guinness ku qoran. Wuxuu markiisii hore ahaa nin Kabaha sameeya oo ka ganacsada.
Saraakiisha dalka India ayaa sheegtay in dhalashada Mahashta Murasi la diiwaan geliyay 6-dii Janaayo 1835, ilaa sanadkii 1903 wuxuu ku noolaa magaalada Varanasi, wuxuu ku shaqeysanayay Kabe sameeye ilaa snadkii 1957; markii uu howlgabka noqday waxay da’diisu ahayd 122.
Odayga 180 sano jirka ah waxaa laga soo xigtay ereyo ay ka mid yihiin:
“Waxaan soo noolaa muddo dheer, waxaana iga hor dhintay caruurtii aana awoowaha u ahaa. …. “Geeridu way i ilowday anigu, …. hadda rajo iima harin aan ku dhiman karo… bal fiiriya taariikhda ma jirto cid 150 sano dhaaftay oo sii noolaatay, xitaa wax ka yar 170 sano, mar kasta waxaan aaminaa inaan marna dhiman doonin….!!”
Shahaadada dhalashada odaygan iyo aqoonsigiisa waxay taageerayaan sheegashadiisa ah inay da’diisu tahay 180 sano jir, laakiin weli ma jirto baaritaan caafimaad oo lagu xaqiijiyay da’ad uu jiro Odaygan reer India ah.
Dhaqtarkii ugu danbeeyay ee arka ama xaaladiisa caafimaad eega Mahashta Murasi wuxuu dhintay sanadkii 1917-kii. Waxaan jirin warbixino caafimaad oo ku saabsan noloshii hore ee odaygan.
Rashiid Ceelaanyo
ARAABINEWS