Qiimaha saliida caalamka oo hoos u dhac weyn ku yimi iyo shirkadaha waaweyn oo aan faaiidada u gudbin dadka saboolka ah

Moscow 07 Jan 2015–Qiimaha saliida caalamka sida batroolka, naaftada iyo gaaska iyo waxa laga sameeyo ayaa hoos u dhac weyni ku yimi iyadoo hadda ay jirto in saliid badani caalamka buuxdo uuna yaryahay wadamada iibsanaya iyadoo dhinaca kale wadamada America ay hadda soo saaraan gaas iyo batrool lagu soo saaro sanco cusub.

Dawladaha reer Yurub oo ah kuwa ugu badan ee quuta saliida caalamka ayaa u sheegay shirkadaha waaweyn in ay faaiidada hoos u dhaca saliida u gudbiyaan macaamiishooda saboolka ah iyagoo dhimaya qiimaha gaaska iyo batroolka.

Inkastoo Yurub ayna jirin khasab hadana dawladuhu waxay awoodaan in ay siyaabo kale ugu khasbaan in shirkaduhu faaiidooyinkaas u gudbiyaan dadka soo doorta.

Qiimaha saliida sida batroolka ayaa hoos uga maray halkii foosto 50 doolar markii ugu horeysay ilaa 2009 taas oo wadamo badan oo ku tiirsan kor u kaca saliida sida Ruushka uu soo foodsaartey dhaqaale xumo halka Maraykanku ku farxay iyagoo ku faanaya in ay haystaan sancooyin badan oo abuura shaqo.

Sucuudiga ayaa ku sii giijiyay Ruushka iyo wadamada kale iyagoo sii raqiisiyay saliida ay ka iibiyaan dalalka Yurub.

ARAABINEWS