Qisada wiil aan masjidka laga waayin oo gabadh qurxoon dhexda ku sugi jirtay

Qisada waxa magacaeeda la yiras wiilkii qabriga ka dhex hadlay.

Waqtigii rasuulkeena scw scw waxa jiray wiil dhalinyara ah oo hooyadii dhimatey laakiin aabihii oo da’ la nool welli nool. Wiilkan wuxuu si joogta ah uga xaadiri jiray masjidka rasuulka scw scw si uu u dhegeysto axaadiista laga werinayo xabiibkeena scw scw.

Isla marka uu tukado salaada cishe wuxuu toos u tegi jiray gurigooda oo u joogo aabihii si uu ugu adeego. Asxaabiga weyn ee Cumar binu Khadaab ayaa arkay wiilkan dhalinyarada ah ee aan masjidka ka faaruqin, arkayna inuu leeyahay mustaqbal aad u fiican, wuxuuna ku daray ardayda uu waxbaro.

Wiilkaan dhalinyarada ah habeen kasta markuu tukado salaada cishe ee uu aadayo guriga aabihii, waxa dhexda ku sugi jirtay gabadh aad u qurxoon oo ugu yeeri jirtay inuu la seexdo, laakiin markasta waa diidi jiray, iyadna kama daasho habeen walba.

Aakhirkii cadowgeena shaydaan ayaa ka faaiidaystay habeen kuna yiri maad ka war doontid. Kadib waxay isku sii raaceen dhinacaas iyo gurigeeda. Iyada ayaa horeysay isna waa ka dambeeyay kadib waxa uu xasuustey suuratul Acraaf aayada 201 ee RABI ku yiri dadka RABIGOODA ka baqa marka shaydaanku taabto, waxay xasuustaan RABIGOODA kadibna indhahaa u furma.

Xasuustaa kadib wiilkii wuxuu ku suuxdin dhacay albaabka hore ee gurigii ay gabadhu u waday. Kadibna gabadhii ayaa qaaday oo ku hortuurtay gurigii aabihii. Waxa soo baxay aabihii oo arkay wiilkiisii oo dhulka yaala nafina ku jirin.Waxa loo soo jiiday guriga halkaas oo aabihii QURAAN ku akhriay.

Wiilkii dhalinyarada ahaa miyirkii ayaa ku soo noqday, isagoo baqdinta RABI ku jirto ayuu aabihii weydiiyay waxa ku dhacay kadibna waa uga sheekeeyay waxa ku dhacay. Wuxuu ku yiri waxan xasuustay aayad QURAANA anoo xaaladaas ku jira, isaga oo aan u dhamayn aayada ay tahay ayaa willkii dhalinyarada ahaa mar labaad suuxay laakiin markan kama soo noqon suuxdinta.

Waxa loo yeeray Cumar Bini Khadaab oo aad uga naxay geeridiisa, waxayna ku tukadeen janaasada ayadoo Cumar ay aad ilmadu uga socoto. Khaliif Cumar ayaa ku dul akhriyay suuratal RAXMAAN aayada 46 ee RABI ku yiri qofkii ka baqa inuu hor imaan doono RABIGIISA wuxuu leeyahay labo JANO. Willkii dhalinyarada ahaa ayaa isna qabrigii ka hadlay oo yiri yaa Cumar RABI wuxuu i siiyay labo JANO.

Qisadan oo dhan loo bixi karo willkii qabriga ka hadlay waxay muujinaysaa in xasuusta RABI marnaba kaa maqnaanin si aad uga badbaado masiibooyinka shaydaanku inala rabo.

ARAABINEWS