Nin baa u yimid Cumar bin Khadaab radiyalaahu canhu (RC) ninkaa wuxuu watay Wiil Yar, Cumar ayaa yiri waxaan arkay Maanta wax Yaab leh, waligey ma arag Nin ilmahiisa saan ugu Eg yahay, markaasuu ninkii yiri hadaad Ogaan lahayd Wiilkaan inay Dhashay Hooyadii iyadoo meyd ah.
Markaasuu Cumar RC yiri isagoo bedelay siduu u Fadhiyey ”iiga Sheekee siduu ku Dhashay ayadoo Meyd ah.
Ninkii wuxuu yiri wiilkaan isagoo Caloosha Hooyadii ku jiro ayaa Safar i soo Galay, markaasay Hooyadii tiri halkee nooga Tageysaa anoo Xaamilo ah? Haddaba, markaan Albaabka Guriga ka baxayey ayaan Caloosheeda Gacanteyda saaray oo aan ku iri RABOW ADIGAAN KUGU AMAANEYSTAY WIILKEYGA. intaas ka dib ayaan Safarkii u baxay.

Haddaba markaan Safarkii ka soo laabtay ayaan imid Gurigii oo Xiran ka dib Deriska ayaa ii sheegeen iney Xaaskeyga Dhimatay ka dibna waxey ii keeneen Casho anoo Cashadii cunaaya ayaa waxaan arkay Qiiq meel ka baxaayo kolkaas ayaan dadkii weydiiyey waxaana ay ii sheegeen inuu Qiiqaasi yahay Qabriga Xaaskeyga iyagoo weliba ii sheegay maalintii la Aasay ilaa iminka inuu Qiiqaasi ka socdo Qabrigeeda.

Wallaahi inaan Dadka oo dhan uga Aqoon badanahay inay ahayd Qof Taqiyad, Saalixad, Soon badan oo wixii Xun Reebta, wixii Sana dadka Saarta ayey aheyd kolkaas ayaan dadkii ku iri ‘soo baxa i Raaca aan soo arkee waan soo baxnay markaan Qabrigii imaanay ayaan ku bilaabay inaan Qodno. Markaan Qodnay mise waxaan aragnay Xaaskii oo Meyd ah oo Fadhisa iyo Wiilkii oo Ag fadhiya ka dib ayana maqlay Cod i leh ‘KII AMAANADA RABIGIISA U DHIIBTAYOOW QAADO AMAANADAADA.