Shirka uga socda madaxda reer Yurub ayaa go’aan lagu gaadhay in la meeleeyo ilaa 60,000 oo qof oo qoxooti ah taas oo loo qaybinayo wadamada Yurub ee iyagu ogolaaday. Ingiriiska ayaa isagu aan ku biirin wadamada qaadan doona qoxootigaas. Talyaaniga ayaa isagu sheegay in wadamada reer Yurub ayna waxba la qaban dhaqaale xumada ka haysata qoxootiga ka imanaya dalka burburey ee Liibiya.
Madaxweynaha Faransiiska oo faahfaahin ka bixiyay cida la gaynayo wadamada Yurub ayaa sheegay in ay yihiin qoxootiga ka imanaya Siiriya iyo Ciraaq oo argagixisada caalamiga ah burburisey,,mase sheegin in aan wax lagaga dari karin qoxootiga faraha badan ee ka imanaya Afrika.
Wadamada qaar ayaa diidan in ay aqbalaan qoxootigan iyagoo ku andacoonaya in la furayo wado foolxun oo dhiirigelinaysa in qoxooti kale soo jabaan. Wadamada qaadan doona ayaa la soo saari doonaa bisha soo socota ee July.
Somali aad u farabadan oo jooga wadamada Talyaaniga iyo Giriiga ayaa iyaguna ka mid noqn doona dadka ay qaybsan doonaan wadamada dhaqaalaha leh ee Yurub.
Rashiid Ceelaanyo
ARAABINEWS.COM