Wararka laga helayo caasimada Ingiriiska ee London ayaa sheegaya in Samaroonka degan halkaasi ay isku diyaarinayaan in ay yeeshaan shir deg dega.
Wararka shirkan ayaa imanaya iyadoo siyaasiyiinta uu horkacayo Muuse Biixi iyo xer ku wareegsan ay u tafaxayteen in ay diiwaangelin dib uga qalqaaliyaan deegaanada beeshiisu daldashey ee hoostaga degmada Lughaya.
Beesha Samaroon ee degan deegaanada la daldalay ayaa iyagu wacad ku maray in aan deegaanadooda dib uga dhicin diiwaangelin cusub oo aan ka ahayn tii ay hore u galeen xili waliba aad u adkaa oo dadkooduna liiteen.
Cuqaasha deegaanadaas oo dhowr jeer saxaafada la hadlay ayaa ku celceliyay haddii deegaanadaasi faraha lala soo galo oo laysku dayo in laga diiwaangeliyo dad aan u dhalan deegaanka ay dagaal ka xigaan, wixii ka dhacana ay ka masuul yihiin maamulka Siilaanyo.
Waxa dhinaca jirey wasiiro ka soo jeeda beesha Samaroon ee deegaankaasi oo Hargeysa laga soo direy si ay u kala jabiyaan dadka deegaanka laakiin guuldaro kala soo noqdey iyadoo xataa laga cuney lacagtii ay wateen.
Caaqil ka mida dadka deegaanka ayaa isagu saxaafada u sheegay in laysku dayay in jufo hoose loo arko laakiin uu ka diidey, wixii ay wateen oo ahaa in uu aqbalo in diiwaangelin cusubi ka dhacdo.
Wararka aan ka helayno Ingiriiska ayaa noo sheegaya in Samaroonka halkaasi degan oo qadiyadan ka mideysan ay qaban qaabinayaan shir deg dega oo ay ku taageeraan cuqaasha iyo waxgaradka deegaanadaas.
Waxa dad badan is waydiinayaan waxa keenay hadda oo la galay diiwaangelin dadka reer Awdalna aqbaleen in ay diiwaangelintaas galaan hadana maamulka Siilaanyo yiraa ”hadaan dib u furaynaa LIXDA GOOBOOD”
Ooo aad iswaydiin karto suaasha ah ”YAY U XIRNAAYEEN markii hore” haddii markii la doonana la furayo markii la rabana la xirayo.
Rashiid Ceelaanyo wararka Yurub
ARAABINEWS