Masjid Muqdisho laga dhisay oo loo dhisay hay’adda sirdoonka ayaa loogu magacdaray mid ka mida shantii golaha sare ee kacaankii barakaysnaa sareeye guuto Axmed Saleebaan Dafle.
Xasan Cali Kheyre Ra’iisul Wasaaraha Xukuumadda Soomaaliya ayaa si rasmi ah u furay Masjidkan ee hay’adda NISA.
Ra’iisal Wasaaraha ayaa uga mahad celiyey Maamulka iyo shaqaalaha Hay’adda juhdiga iyo dadaalka dheeriga ah ee ay galiyeen dhismaha masjidkan oo ahmiyad weyn u leh shaqaalaha xarunta. Isagoo sidoo kalena bogaadiyey maamulka Ha’yadda oo isbadal weyn ku sameeyey bilicda iyo qaab-dhismeedka guud ee xarunta.
Dhinaca kale munaasibada furitaanka Masjidka ayaa waxaa goobjoog ka ahaa masuuliyiin sare ee Ha’yadda Sirdoonka iyo Nabad Sugida Qaranka Soomaaliya.
Dhismahan Masjidka oo socday muddo ayaa loo dhisay qaab casri ah isaga oo sidoo kale loo nashqadeeyey si aad u heer saraysa.
Taliyihii ugu horeeyey ee Ha’yadda Sirdoonka iyo Nabad Sugida Qaranka ayaa ahaa Axmed Saleebaan Dafle waana sida loog magacdaray masjidka.
C/llaahi Warmooge
ARAABINEWS