Waxa magaalada Muqdisho lagu qabtey xaas Somali ah oo uu qabo argagixiso shabaaba oo ka mida kuwa dalkeena moodey in uu jihad ku jiro dadkeena xasuuqa.
Ciidanka amniga ee NISA ayaa ku guulaystey in at gacanta ku dhigeen.
Haweeneydan oo lagu magacaabo Leyla Cumar Baaruud ayaa waxaa laga soo qabtay afaafka hore hoygii ay deganeyd oo ku yaala Degmada C/casiis ee Waqooyiga Magaalada Muqdisho.
Sirdoonka Somaliya oo muddo shan bilood ku raad joogay haweeneydan ayaa waxay gacanta ku soo dhigeen, xilli ay qorsheyneysay in bannaanada hore hoygeeda ay ka raacdo gaari.
Leyla Cumar Baaruud oo ah hooyada laba carruur ah, ayaa waxay u dhaxdaa argafgixisada ajaanibta ah oo lagu khasbey in ay guursato. Argagixiska ay qabto ayaa Itoobiya ka soo jeeda.
Sida ay sheegtay Leyla Cumar Baaruud waxaa ay hadda ku sii jeeday Degmada Jilib ee Gobolka Jubbada Dhexe halkaasoo uu ku sugan yahay saygeeda.
Leyla Cumar, ayaa waxaa lagu soo eedeeyay in ay Ururka Al Shabaab u qaabilsaneyd dhinaca tashkiilinta carruurta, iyadoona muddo toddobo sano ka soo shaqeynaysay arrimahaasi.
C/llaahi Warmooge
ARAABINEWS