Shirkad teleefanada iyo internetka ah oo ka dhisan Ingiriiska oo khadka Somaliya ku gaday lacag raqiisa oo hadda joojisay khadkaas

London 09 Jan 2015–Shirkad ka mida shirkadaha teleefanada ee ka dhisan dalka Ingiriiska loona yaqaan Talktalk oo Somali macaamiil u tahay ayaa muddo bil ah ku dartey Somaliya khadadka caalamka ee ay ku iibiso raqiiska.

Shirkada ayaa hadda sheegtay in khadkaasi aanu jiri doonin lix iyo tobanka bishan wixii ka dambeeya iyadoo iimaylo u dirtey macaamiisheeda una sheegtay in khadkaasi qarxay. Khadkan ayaa si toosa loo garaacayay lambarka caanka ah ee Somaliya ee furaha 252 iyadoo moobilada xataa uu la qiimo ahaa khadadka teleefanada ee dhulka.

Somali badan ayaa qoysaskooda ula sheekaystay bishaas si ayna awal ula sheekaysan, waxase la iswaydiinayaa sababta shirkada Talktalk u joojisay Somaliya oo kaliya oo wadamada sida Kiiniya wali khadkaasi u jiro.

Shirkadu waxay kaliya sheegtay in khadku qarxay waxase la iswaydiin karaa erayga wuu qarxay iyadoo Somalida looga badan yahay Ingiriiska oo khadadka kale ee wali furan ay ka mid yihiin Hindiya iyo Bakistaan oo iyaga ay u degan yihiin Ingiriiska bulsho aad u farabadan oo dalka ku soo galay siyaabo kale duwan jecelna inay la hadlaan qoysaskooda.

Dadka qaar ayaa aaminsan in siyaasadu ka maqnayn iyadoo dhinaca kale la odhan karo in shirkada dawladu leedahay ee loo yaqaan British telecomuunication (BT) ay dhici karto inay kicisay qiimaha ay ku iibiso khadadka qaar.

Si kastaba ha ahaatee waxa macaamiisha Somalida ah iswaydiinayaan waxa khasbey in si deg dega u joojiyaan iyadoo kaliya uu furnaa muddo yar.

Shirkada ayaa sidoo kale sheegtay in ay dib ugu celinayso lacagta macaamiisheedu bixiyeen raaligelina ka bixisey khadka la joojiyay.

ARAABINEWS