Siciid Deni oo jeelka u taxaabay gudoomiyihii dhismaha wadada Boosaaso

Horjoogaha maamulka Puntland ayaa jeelka u taxaabay gudoomiyihii dhismaha wadada Boosaaso Sh. Maxamed Macalin Axmed. Ciidan sugaayay sheekha oo uu diyaariyay Siciid Deni ayaa jeelka u taxaabay markii uu dib ugu noqdey Puntland.

Siciid Deni oo maanta weeraray dawlada dhexe ayaa sheegay inuuna u dulqaadan doonin dad isaga ka korbooda ama nidaamka dawladnimo ee ka jira Muqdisho ee Puntland ay sheegto inay ka mid tahay.

Sheekhan iyo rag kaloo culimo ah ayaa lagu aaminay lacag gaaraysa 150,000 kun oo doolar oo dawlada dhexe u qoondeysay dhismaha wado dhexmarta Boosaaso.

Siciid Deni ayaa rabay in lacagtaas isaga soo marto, wuxuuna daraad jeelka u taxaabay masuuliyiin Sheekhani hoos tagayay oo ku sugnaa Garoowe iyo Boosaaso.

Madaxweynaha Somaliya ayaa u sheegay horjooge Siciid Deni inuu si shuruud la’aana ku sii daayo ragaas aan waxba galabsan keliya lagu aaminay lacagtaas, wuxuuse ugu jawaabey laba fariimood oo qoraala.

Ilaa hadda ma Jiro nidaam laysla gartey oo dalku leeyahay waxase dawladnimada dagaal ku haya jufooyin dulin ku noqdey xoolihii ummada ayuu yiri Xusen Warsame.

C/llaahi Warmooge

ARAABINEWS

Share on Facebook

Tweet

Follow us

Save