Somaliya oo maraakiib sahamina u dirtey baddeena Koofureed

Dawlada Somaliya ayaa markii ugu horeysay maraakiib sahamina u direy badeena Koofureed ee la jaara Kiiniya. Maraakiibtan oo laga leeyahay Turkiga ayaa ciidanka baddu u adeegsaday sahaminta.

”UJeedada ayaa ah bal in la ogaado baaxada ay le’egtahay tuugada Kiiniya ka wado badeena Koofureed ayuu yiri masuul magaciisa qariyay oo u hadlay ciidanka badda ee aadka u tirada yar.

Ciidanka badda ee hadda ay leedahay Somaliya ayaan haba yaraatee dhisnayn inkastoo ciidanku jiro haddana waxa yar qalabka ay haystaan sida maraakiib iyo hubkoodii.

Dhinaca kale Turkiga ayaa la sheegay inuu dayactir ku samaynayo diyaaradihii ciidanka cirku lahaa ee 30 sanno ku daxalaystey hoyga ay ka yaalaan garoonka magaalada Muqdisho.

”Waxa dawlada u qorsheysan haddi madaxweyne Farmaajo soo noqdo in la soo iibsado diyaradaha Turkiga ee aan iswadin ayuu yiri masuul u hadlay ciidanka cirka. Waxa jira Turkigu eegayo in kuwaas lagu dayactirayo ayadoo aan la jabin cunaqabayaynta hubka ee reer galbeedku saareen.

C/llaahi Warhaye

ARAABINEWS

Share on Facebook

Tweet

Follow us

Save