Somaliya urur diimeedkee xoog kuleh kuwii Somalidu taqaanayna daaqada ka saaray iyo lacagta ururkani haysto oo lagu qiyaasay malaayiin doolar. Wadamada taageera ururkan ayaa ah wadamada carabta waxay leeyihii warbaahin xoogweyn.#
Urur diimeedkan ayaa lagu magacaabaa Wahaabi waxayse hadda isticmaalaan Salafi ama Salafiyiin. Salafiyiintu maaha urur diimeed Somalidu taqaanay waxase Somalida baray dhaqankooda diineed wadaado wax ka soo bartey Sucuudiga.
Dabeecadaha ay leeyihiin waxa ka mida in ay qofka gaaleeyeen ama ay ku xukumaan dilka. Haday fursad kuu helaan waxa dhacaysa in ay ku dilaan. Gacantooda dagaalanta waxa ka mida kuwo la baxay shabaab, Boko Xaraam, Daacish, Daalibaan, iyo dhowr magac oo ka jira Carabta Afrika.
Waxay necebyihiin dhamaan urur diimeedyada kale ee jira sida urur diimeedka Akhwaan Muslimiin oo ka dagaalanta Masar iyo Siiriya. Urur diimeedkan Salafi ayaa lagu biilaa lacagta ugu badan ee laga helo saliida.
Waxay dugsiyo, malcaamado iyo xarumo ay ku faafiyan mabhadkooda ka furteen wadamada burburey sida Afgaanistaan, Bakistaan, Somaliya, Ciraaq, Liibiya iyo Siiriya. Waxay siyaasiyan gacanta kula jiraan wadanka Malaysiya.
Waxay sidoo kale ku leeyihiin xarumo waaweyn ku leeyihiin wadamada degan ee Muslimiinta ah.
Xaruntooda ugu weyn waa Sucuudiga. Buugta ay qoraan ayaa aad ugu faafay Somalida iyo aduunka badankiisa xataa Yurub. Wadaadada ugu weyn urur diimeedkan ayaa waxa ka mida Sheekh Ibnu Thaymiya, Sheekh Ibnu Baaz, Sheekh Al-baani iyo kuwo kale.
Waxay dib saxiix uga dhigeen xadiisyo hore u jirey halka kuwo kalana ay diciifiyeen.
Waxay Somaliya si fiican u cagadhigteen markii argagixisada Shabaab haysatey qaybo badan oo ka mida Koofurta Somaliya ayagoo wada gowracay dhamaan wadaadada ay Somalidu taqaaney kuwa tilmaamey gaalo.
Waxa jira wadaado caana oo faafiya mabhadka ururkan oo laakiin dagaal ku jirin laakiin gaaleeya sheekhyada diidan madhabta ay wataan. Xaruntooda ugu weyn ayaa ah Sucuudiga, Imaaraadka halka Qadar uu ka taliyo urur diimeedka akhwaanka oo iyaguna xiriiro dhow la leh argagixisada ka dagaalama Afgaanistaan iyo Somaliya.
Rashiid Ceelaanyo
ARAABINEWS
