Wasiirka maaliyada Dr C/raxmaan Beyle ayaa sharaxaya Somaliya cida deynta ku leh iyo waxa hortaagan in dalku yeesho shilin Somali maadaama shilin Somaliga hadda suuqa yaalaa uu yahay mid bugga.
Maamulada dalka ayaa iyagu samaystey mishiino ay lacagaha ku daabacdaan kadibna doolar xalaala kaga bedeshaan Somalida masaakiinta ah.
Somaliya yaa deynta ku leh
Wasiir C/raxmaan Beyle ayaa sharaxay wadamada deynta ku leh dalka oo guud ahaa gaaraysa 5 bilyan oo doolar. Waxanas uu u qaybiyay sadex kooxood. 1- bangiyada caalamiga oo iyagu leh sida bangiga aduunka, kan Afrika iyo hay’ada lacagta aduunka oo iyagu leh klacag gaaraysa 1 bilyan.
2-Wadamada laysku yiraa naadiga Baariis ama afka qalaad lagu yiraa(Paris Club) oo iyaguna leh 3 bilyan.
3-Carabta oo iyagu ah hay’ado isku tagey diideyna inay cafiyaan deynta waxay leeyihiin 1 bilyan oo doolar.
Wasiir C/raxmaan ayaa sheegay in Somaliya deyn qaadan Karin ilaa ay bixiso kuwii hore ama laga cafiyo. Taas oo ka duwan hadaladii hore ee wasiirka.
Soo daabicida shilin Somaliga
Dr C/raxmaan Beyle ayaa sheegay in lacagta lagu soo daabacayaa shilin Somaliga ay tahay 43 milyan oo doolar wuxuuna sheegay in kala bar lacagtaas ay hayaan, wuxuuse ku nuuxnuuxsaday in dalka baahidiisu badan tahay oo lacagtaa intaas leeg ay jiraan meelo u baahan in lagu bixiyo, taasina dib u dhigeyso soo daabicida lacagta.
Hantida dawlada
Wasiirka ayaa taabtey hantida dawlada ee dad iska xalaalaystey ama moodeenba wax ay leeyihiin oo hadda ku jiraan ama gateenba. Wuxuuna sheegay in hantida dawlada ee dalka daadsan ay gaarayso ilaa 3500 hanti ah.
Hadda waxaan samaynay tirokoob dhamaan hantida dawlada ee dalka oo dhan ayuu yiri Dr C/raxmaan Beyle
Warbixintii C/llaahi Warmooge
ARAABINEWS