Nasra Xaaji Xuseen waxay ka soo jeeda gobolka Hiiraan waxayna u shaqo doonatey caasimsada Muqdisho halkaas oo dawladu degan tahay dakhliga ugu badana uu dalka ka soo galo. Taasi waxay keentay in magaaladu korodho ama balaarato dad badana ku soo qulqulaan sida Nasra oo dugsi sare dhamaysay.
”Waxaan ku soo degay eheladeyda oo Muqdisho degan, waxaanan in muddo ah ahaa shaqo raadis, runtiina aad ayay iigu adkaatey markaa waxaan noqdey guri joogto ayay tiri Nasra.
Nasra ayaa la qabta dhalinta Somaliyeed ee dhameeya dugsiyada sare ama jaamacadaha oo iyagu la korey burburka iyo dawlad la’aanta laakin markaad eegto deegaano nabad ku faanayay muddada burburka ay welli qabyaaladu ka shaqayso markii fadhiidyo kala duwan ku fashilmeen inay wax horumara sameeyaan.
”Muddo markaan quustey waxaan helay geerish gawaadhida lagu dayactiro, waxayna iga ogolaadeen inaan tababar la qaato ilaa markii dambe aan ka mid noqdey iyaga ayay tiri Nasra.
Maxaa dhacay ugu horeyn
Markii ugu horeysay ee laygu arkey geerishka dadkoo dhan waxay igu dhaheen wax miyaa kuu dhiman isaga soo tag meesha waana lay niyad jebiyay.
Waxyar kadib ayaan aabahay lacag u direy wuxuuna i weydiiyay halka aan ka keenay waxaanan ku iri shaqo geerish ah ayaan helay, wuxuuna yiri hore u soco aabo.
Shaqada geerishka gawaadhidu ma fududa marmar waxaan sameeyaa gawaadhida raaxada marmarna kuwa waaweyn ayay tiri Nasra Xaaji Xuseen. Shaqo yaryaraysi male.
C/llaahi Warmooge
ARAABINEWS