Wadahadaladii Addis ababa uga socday Khaatumo iyo Somaliland oo qodobo laga soo saaray

Wadahadaladii ugu socday Addis ababa Somaliland iyo Khaatumo ayaa si rasmiya looga soo saaray qodobo at ku saxiixan yihiin gudiyadii labada dhinac ee wadahadalada ka qaygalay.

Wadahadaladan ayaa Addis ababa lagu qabtey oo at ku heshiiyeen in Itoobiya markhaati ka noqoto sida Ingiriiska iyo Turkigu uga markhaati yahay wadahadalada Koofurta Somaliya iyo Somaliland qayb ahaan.

Qodobada ayaa sidan u qornaa

1-in wadahadal iyo wada xaajood lagu dhameeyo khilaaf kasta oo jira

2-in wixii fad-qalalo iyo dacaayad gudaheena ah in la joojiyo meelna looga soo wada jeesto

3-in meel looga soo wada jeesto wixii gacan sadexaad ah ee faro galin ku samayn kara intey wadahadaladu socdaan.

4-in laga wada xaajoodo wixii ku saabsan dhiig iyo dhaqanba ah

5-in laga wada shaqeeyo xoojinta nabad galyada .

6-in ciidamada Somaliland ee ku sugan gobolada Sool iyo deegaanada Sanaaf Bari iyo Buuhoodle dib loo qorsheeyo joogitaankooda iyada oo la tix galinaayo mar walba baahida iyo xaalada nabad galyadu sida ay tahay

7-in aan la qorin wax ciidan beeleed ah inta wadahadaladu socdaan.

8-in maamul daadajin buuxda loo sameeyo oo taabanaysa dhinacyada siyaasada dhaqaalaha maamulka,arimaha bulshada iyo iyo nabad galyada

9-in si wada jir ah looga wada hawl galo sidii mashaariic waawayn oo horumarineed looga fulin lahaa goboladaasi

10-in la iska kaashado sidii gar gaar loogu raadin lahaa loona gaadhsiin lahaa dadka tabaalaysan ee abaartu ku dhacday.

11-in haayadaha Samafalka ee caalamiga ah iyo kuwa qaramada midoobey ka hawl galaan kana qaadaan xayiraada goboladaasi.

Waraaqdan lagu soo saaray qodobada hordhaca heshiiska labada dhinac ayaa waxa ku wada saxeexan.

DR Sacad Cali Shire Wasiirka Arimaha Dibada Somaliland oo ah gudoomiyaha Gudida Wadahadalada Somaliland u mataya.

Halka Dhinaca Khaatumo uu ugu saxeexan yahay Gudoomiyaha Gudida Wadahadalada u matalaya Khaatumo Maxamuud Sheekh Omer Hassan.

Hoos ka akhri