Riyad–Salafiyiinta Sucuudiga ayaa ku fashilmey weerarkii cirka ee ay la dhacayeen Yaman hadana sheegay in ay joojiyeen. Guuldarada Salafiinta Sucuudiga ayaa loo nisbaynayaa iyagoo taageero badan ka waayay Maraykanka loona sheegay in ayna duqeyn kaliya waxba ku qaadayn. Salafiyiinta oo xalaashaday dhiiga urur diimeedka shiicada ku abtirsada ayaa hadda ay ku dhacday laba mid dooro.
Sucuudiga ayaa duqeyntii u dambeysay ku dilay ilaa 70 reer Yaman kadib markay duqeeyeen goob lagu tuhunsanaa in uu hubo yaalo.
Talaabada Salafiga Sucuudigu ku joojiyay weerarkii cirka ayaa timi markay soo foodsaartey dhaqaale xumo iyadoo kharashka dagaalku durba gaadhay malaayiin doolar maadaama ay gantaalada ay tuuraan ay ka soo iibsadaan Maraykanka.
Hadda dalka Yaman waxa gacanta ku haya Xuutiyiinta iyo ciidamada madaxweynihii hore ee Yaman ee Cali Cabdalla Saalax, waxayna wacad ku mareen in ay Cadan ka saari doonaan maleeshiyada gooni goosadka ee Sucuudigu isku halaynayo.
Salafiyiinta Sucuudiga oo ah urur diimeed ayaa hadda taladu ku ciirsan tahay meel kaliya oo ay ka soo gasho talada Yamana ma jirto waxana u furan dagaal kaliya ay la gasho Xuutiyiinta taasina ma xamili karayaan.
Maxamed Yuusuf
ARAABINEWS