Madaxweynaha Masar C/fataax Siisi ayaa la kulmay qabiilada bariga Liibiya ee diidan Turkiga soo galay dalkooda. Barlamaanka Liibiya ayaa albaabada u furey Masar si ay uga difaacaan Erduqaan iyo ururkiisa akhwaan Muslimiin.
Erduqaan ayaa bilaabay inuu daadiyo dhiiga Muslimiinta Liibiya markii uu heshiis la galay Feyaaz Siraaji oo xilligaasi joogey xaafado ka tirsan caasimada Liibiya.
Erduqaan ayaa fursad u helay markii arkey ciidanka uu wato jeneraal Khaliifa inayna wadan difaac xoogan dhinacwalba, wuxuu bilaabay inuu ka weeraro dhinaca cirka, ciidanka Jeneraal Khaliifa ayaa kadibna ka soo baxay caasimada.
Madaxweynaha Masar ayaa wacad ku maray inuu geli doono Liibiya haddii Erduqaan soo dhaafo Sirte iyo saldhiga Jufra. Waxana dhirigeliyay Masar qabiilada iyo barlamaanka la doortey ee fadhiya Tobruuk.
Waxa Masar cirka ka caawin doona Faransiiska iyo haddii loo baahdo Ruushka oo iyaguna diidan dagaalka Erduqaan ka wado Siiriya. ”Waxaan weydiisan doonaa barlamaanka inta aanaan gelin Liibiya ayuu yiri C/fataax Siisi.
Erduqaan ayaa dagaalkiisa Liibiya taageero uga waayay Taram iyo Buutin, waxana uu haystaa keliya Qadar halka Masar ay lacag ahaan ka dambeeyaan dawladaha Sucuudiga, Baxrayn iyo Imaaraadka, hub ahaana dawladaha waaweyn sida Faransiiska, Yuhuuda iyo hadii loo baahdo Ruushka.
Si kastaba ha ahaatee ma dheera Masar inay gasho Liibiya si ay kooxda Erduqaan uga saarto. Dabcan Turkigu xad lama laha Liibiya, waxayna Masar helaysaa saad badan oo dhinaca dhulka ah.
Rashiid Ceelaanyo
ARAABINEWS