Wiil Somali ah oo lagu diley xaafad ka tirsan London

Booliiska magaalada London gaar ahaan xaafada Isiltan ayaa sheegay in wiil Somali ah lagu diley halkaas habeenimadii Sabtida kadib markii laad iyo midi laysugu daray. Goobjoogeyaal ka ag dhawaa goobta dilku ka dhacay ayaa sheegay inay gaari wateen ragga dilka gaystey.

Dilalka dhalinyarada Somalida ayaa inta badan u dhexeeya iyaga dhexdooda ama ay gaystaan Afrikaanka madow ee ay la saaxiibaan oo u dhiibta daroogada haday keeni waayaan lacag ama laga shikiyana la dilo.

Dhalintan lunsan ayaa inta badan raaca kuwo nolosha ka dhacay oo Afrikaan madow ah oo noloshoodu tahay tuugada, xashiishada iyo iibinta daroogooyin kale.

Wiilkan dhalinyarada ah ee booliisku sheegay in midida iyo laadka lagu diley ayaa loo malaynayaa inuu ku jirey koox ama la socdey koox kale oo suuqa xaafadaas joogey laakiin aan la garanayn waxa intaas dhacay.

Nin iyo naag isqaba oo daaqada ka arkayay xilliga dagaalku socdey ayaa sheegay in nin xoogweyn iyo mid gaaban ay garaaceen wiilka kadibna lagu hubsadey midi. Waxayna sheegeen in ragaas ay baxsadeen meyd ahaana uga tageen kadibna dad gurmad ah inay hubiyaan in wadnihiisa shaqaynayo ayna u waceen booliiska.

Booliis farabadan oo goobta yimi ayaa codsaday in laga caawiyo sidii loo heli lahaa gacan ku dhiigleyaasha. Inta badan waa nin dameeri dishey xataa haddii la helo waxa ka xiraa muddo kooban kadibna waa la soo daayaa. Waa cadaalada waraabaha oo isagu sarajoog ku cuna xoolaha.

Rashiid Ceelaanyo

ARAABIBEWS