Xasan Sheekh oo ogolaaday in khubaro ajaaniba u farsamayeen la hadalka uu kula jiro kooxda gooni goosadka ee la baxday Somaliland+FAALO

Jabuuti 21 Dec 2014–Kulankii u dhexeeyay Xasan iyo Siilaanyo ayaa laga soo saaray qodobo dhamaantoodba ku qodoma kuwii ay taageerayaasha gooni goosadka wateen sida in khuburo lagu daro wadahadalka Xasan Sheekh iyo Siilaanyo iyo in Siilaanyo iyo maamulkiisu u madax banaanyahay in ay si toosa ula galeen heshiisyo shirkadaha caalamiga.

Dadka badankiisa ayaa is waydiinaya waxa kooxda Xasan Sheekh goobta la tagtey maadaama qodobadan badankoodu yihiin qodiobadii SNM loogu soo qorey Addis ababa.

Taageerayaasha ajaanibta ayaa iyagu danaynaya qodobka ah in deeqaha aan la siyaasadeyn iyo mashaariicda dib u dhiska. Waxay kale oo maamulka Siilaanyo ku guuleysteen in sheekada laga durkiyo Somalida dhexdeeda lagana dhigo sidey jecelyihiin ee ah in arintu noqoto caalami..shirka xigana Turki lagu celiyo.

Xasan Culusow ayaa faramadhnaan la soo noqdey halka hawadiina uu ka galay wadahadal. Waxana run noqotey in aanu ahayn wadahadal ee uu yahay mid ku kooban laba jufo oo marar badan sheegta in ay soo wada dagaalameen.

Hoos ka akhri qodobada oo dhan:

In la dar dargeliyo wada hadalada labada dhinac, isla markaana waqti lagu jaangooyo.

In arrimaha siyaasadda ee masiiriga ah lagu dhiirado, lana fuliyo waxyaabihii horey loogu heshiiyay.

In laga fogaado wax kastoo wada hadallada carqalad gelin kara

In aan la siyaasadeen deeqaha beni’aadannimo, maashaariicda dib u dhiska lana dhiirageliyo.

In la fuliyo heshiiskii hawada ee labada dhinac u dhaxeeyey, iyadoo hab farsamo lagu saleeyo.

In Wada hadalada laga qeyb geliyo dowladda Jabuuti, marka loo baahdo.

In si wadadjir ah looga wada qeyb-galo wada hadallada labada dhinac u dhaxeeya, iyadoo khubarro farsamo iyo dowlado saaxiibo ah oo ay dowladda Federaalka ah ee Soomaaliya iyo maamulka Somaliland loo saaro arrintaan

In wada hadalada xiga ay dhacaan 26-27-ka ee bisha February ee sanadka soo socda laguna qabto magaalada Istanbul ee dalka Turkiga, si arrimahaan loo sii ambaqaado.

Maxamed Yuusuf

ARAABINEWS