Argagixisada Daacish ee Sucuudigu taageero ayaa xasuuq nooc cusuba kula kacday masaajid dadku ku tukanayeen ciidan oo ku yaala Sanca. Dadka ayaa markii hore mooday in ay qaraxa gaysteen diyaaradaha Sucuudiga oo maalmihii u dambeeyay xasuuq ba’an ka gaystay Sanca kuwaas oo xasuuqey hal qoys oo ka kooban toban.
Gacan ku dhiiglaha boqortooyada Sucuudiga ninka lagu magacaabo boqor Salmaan ayaa diyaaradihiisu xasuuq joogta ka gaystaan Yaman oo dhan taas oo keentay qaxa kumanaan reer Yamana.
Wuxuu daraad ku soo celiyay dalka gooni gooste Cabdurabi Xaddi oo sheegta in uu yahay madaxweynaha Yaman.
Xasuuqan ka dhacay masaajidka ayaa naftii halige isku qarxiyay safka hore ee masaajidka halka naftii halige kale isna isku qarxiyay safka dambe si inta sii cararaysay ayna halna uga bixin. Ujeedada argagixisada Sucuudigu taageero ee Daacish ama ISIL oo sunni sheegta ayaa ah tan ugu xun ee xasuuqda muslimiinta.
Dhimashada xasuuqan ayaa gaaraysa 25 halka dhaawacana lagu sheegay ilaa 36 qof oo salaad u yimi laakiinse lagu xasuuqey goobta.
Maraykanka iyo Yuhuuda ayaa taageera xulafada Sucuudiga kuwaas oo ka caawiya gantaalada iyo gawaadhida gaashaaman ee ay ku soo galeen Cadan.
Rashiid Ceelaanyo
ARAABINEWS.COM