Kuwait–Dalkaasi Kuwait ayay ka dhacday isqaxintii ugu horeysay oo lagu xasuuqo muslimiin ku jiray masaajid. Argagixisada caalamiga ee gaalaysay Shiicada ee Sucuudigu ka dambeeyo ee Daacish ayaa xasuuqan ka gaystey masjid xilli masjidka ay joogeen ilaa 2000 oo qof oo salaada tukanayay. Wararkii ugu dambeeyay ayaa sheegaya in ilaa 13 qof ku dhinteen xasuuqan.
Daacish iyo Sucuudiga taageera ee ay isku caqiido yihiin ayaa gaaleeyay Shiicada isla markaana xalaashadey dhiigooda. Sucuudiga ayaa isagu xasuuq ka wada Yaman halka argagixisada uu taageero ee Daacish ay iyaguna isqarxin iyo burbur ka wadaan dhamaan Ciraaq, Siiriya iyo Yaman.
Amiirka Kuwait ayaa booqdey masjidka waxyar kadib xasuuqa. Nin isagu ku jiray safka hore ee masajidka ayaa sheegay in nin dhalinyaro ah uu xilligii sujuuda uu isqarxiyay..waxaan ku qiyaasi karaa 20 jir oo ah xilliga dhalintu ayna lahayn caqli ku filan oo ay isaga celiyaan kuwa duufsanaya ee soo diraya.
Raiisal wasaaraha Kuwait ayaa sheegay in weerarku ahaa mid laysku dirayo ummada Muslimka ah laakiin ay yihiin kuwo ka caqli badan argagixisada kana horeeyaan.
Rashiid Ceelaanyo
ARAABINEWS.COM