Xiildhibaan lagu doortey Hirshabeele iyo magacyo hore oo la garaacay

Xiildhibaan lagu doortey Hirshabeele iyo magacyo hore oo la garaacay. Waxa maanta magaalada Jowhar ka dhacay doorasho ay ku tartameen ilaa lix musharax.

Kursigan ayaa waxaa ku tartamayay ilaa Lix Musharax oo kala ahaa C/laahi Maxamed Cali Sambaloolshe Taliyihii hore ee NISA, Cali C/llaahi Cosoble Madaxweynihii hore ee Hirshabeelle, Dahir Cabdulle Cawaale, Nuur Iidow Beyle, Dahabo Xasan Axmed iyo Xuseen Axmed Geelle.

Doorashadan ayaa wareegeedii koowaad waxaa u gudbay C/laahi Maxamed Cali Sambaloolshe oo ku hoggaaminayay 24 cod, halka Musharaxa kale ee loolanka uu kala kulmayay Nuur Iidow Beyle uu helay 23 cod, sidoo kale waxaa Hal cod helay Cali C/laahi Cosoble, waxaana xumaatay Saddex cod, ugu dambeyn waxaa wareega labaad u gudbay Sambaloolshe iyo Beyle.

Gudoomiyaha Guddiga Madaxa Banaan ee Doorashooyinka Xaliimo Ismaaciil (Xaliimo Yarey) oo ku dhawaaqday natiijada wareegii labaad ayaa sheegtay in kursigan uu ku guuleystay Nuur Iidow Beyle oo helay 27 cod, halka C/laahi Maxamed Cali Sambalooshe uu helay 24 cod.

C/llaahi Warmooge

ARAABINEWS

Share on Facebook

Tweet

Follow us

Save