Aduunka ayaa dhinac ka maray xagjir Trum oo Yuhuuda u saxiixay dhulka Suuriya ee ay ku qabsatey hubkii Maraykanka sanadii 1967 kadib markii Masaaridu uga baxdey dagaalka oo dhinaceeda joojisay. Taas oo keentay in Yuhuuda oo saacadiiba u soo degayeen hubka Maraykanku ay eryadaan Carabta Urdun iyo Suuriya.
Inkastoo Ruushku hubka ugu badan siiyay Masar iyo Suuriya hadana dhinaca taangiyada ay ku liidatey Suuriya oo ma gaarayn halkii loogu talogalay, halka Masar oo casri haysatey la khiyaamey.
Yuhuuda ayaa kadib dhirbaaxo kulul ku dhufatey Carabta Urdun iyo Suuriya oo aan fileyn sidaana ugu fidey dhulka maanta ay degan tahay.
Hadaba yaa ugu hadal kululaa yaana ugu hadal jilicsanaa oo la jira Trum
Waxa ugu hadal kululaa wadamada Ruushka, Ustaraaliya, Turkiga, Lubnaan, iyo Iiraan oo dhamantood sheegay in Trum qaadi doono wixii ka yimaada talaabada uu keligii qaaday xagjir Trum. Waxayna sheegeen in ay arintan geyn doonaan Qaramada Midoobey oo Maraykanku ku leeyahay codka diidmada.
Yaa ugu hadal liitey dhana ka raacsan Trum
Waxa ugu hadal liitey dhana ka raacsanaa Trum waa wadamada wahaabiyada Sucuudiga, Kuwayt iyo akhwaanka Qadar. Sadexdan wadan oo midba dhinacooda ka watey argagixiso xukunka katuura ama burburiya dalkaasi xadaarada lahaa ee Suuriya.
Si kastabba ha ahaatee mar haddii argagixisada laga xoreeyay Suuriya waxa si aada u soo noqotey awoodii Suuriya oo ujeedadu ahayd in maabka aduunka laga tirtiro.
Trum ayaa Yuhuuda keenay hubkiisa gantaalaha lagula dagaalamo iyo diyaradaha asagoo rajaynaya in talaabada uu qaaday ay kordhiso in Yuhuuda la soo weeraro. Waxana cad in la sii diyaariyay intaanu ku dhawaaqin inuu Yuhuuda u aqoonsadey dhulka Suuriya.
Rashiid Ceelaanyo
ARAABINEWS