Aduunka oo walaac ka qaba talaabada Ruushku ka qaadi doono akhwaanka Erdogan oo reer galbeedku hore u naceen haddana hog galiyeen

Madaxweynaha Maraykanka Obama ayaa walaac ka muujiyay soo ridida diyaarada Ruushka ee akhwaanka Erdogan soo ridey. Maraykanka ayaa hore u amrey Turkiga in uu weeraro diyaaradaha Ruushka ee garaacaya argagixisada Daacish ee Turkigu taageero. Waa diidey maalmihii hore maantase wuxuu ku dhiiraday in uu samaysto cadow cusub iyadoo reer galbeedka uu isku halaynayo ay hore u naceen.

Ragga reer galbeedka ee ka faalooda arimaha noocana ayaa qaba in ay tahay fursadii lagu edbin lahaa Erdogan oo kaliya lahaa saaxiibka Ruushka ama reer Bariga hadase jooga cidla cad.

Hadalka Maraykanka ayaa muujinaya in Erdogan cidla joogo oo saaxiibka kaliya ee u soo haray uu yahay isla argagixisada aduunku la dagaalamayo. Ruushka ayaa filayay in uu xiriir la leeyahay Turkiga hadase wuxuu ogaaday in uu yahay laba wajiile.

Turkigu muxuu ka rabaa Siiriya oo ah dal xora oo xiriir fiican la lahaa Turkiga sadex sano kahor…jawaabta saxda ah ayaa ah in akhwaanka Erdogan qaatay sheekada Sucuudiga ee dhicisowday ee ah Muslim ku dirka ee Sunni iyo Shiico.

Obama ayaa yiri ”waxa kaliya ee hadda noogu daran waa in ay wadahadlayaan Ruushka iyo Turkigu” . Obama ayaa qoslaya hadda waayo wuxuu ku guulaystey in uu isku diro Ruushka iyo muslimiin la duufsan karo.

Waxase la sugayaa talaabada xigta ee Ruushku qaadi doono.

Rashiid Ceelaanyo

ARAABINEWS.COM