Argagixisada shabaab oo qarax ka gaysatay huteel Jasiira iyo qasaare jira

Weerarka Ismiidaaminta ah ayaa loo adeegsaday Gaari weyn oo Nuuca Xamuulka qaada ah gaar ahaan Nuuca Soomaalida u taqaan Siteey ama UD, waxaana qaraxan uu si weyn u bur buriyay dhismaha Hoteelka iyo guryo kale oo ka agdhawaa.

Wariye kusugan Afaafka hore ee Hotelka Jaziira ayaa noo sheegay in Weerarka Ismiidaamin ah uu ka dhashay Qasaaro xoogan, waxa uuna intaa raaciyay in meydad badan oo qaarkood gubteen ay daadsan yihiin afaafka hotelka Jaziira halka Meydad kalana ay ku dhax jiraan Dhismayaal ku dhaw dhaw Hotelka.

Wali si rasmi ah looma oga tirada qasaaraha ka dhashay Weerarkan Ismiidaaminta ah ee goordhaw sida weyn u gil gilay Magaalada Muqdisho, waxaana qaadista dhaawacyada iyo meydadka ka dhashay weerarkan ku howlan gaadiidka gurmadka Deg dega.

Saraakiil katirsan Dowlada Soomaaliya ayaa hada ku sugan dhismaha Hoteelka Jaziira ee la weeraray, waxaana la filayaa in goordhaw Saxaafada uga warbixiyaan Weerarkan Ismiidaaminta ah iyo waliba qasaaraha ka dhashay.

C/llaahi Warmooge

ARAABINEWS.COM

Share on Facebook

Tweet

Follow us

Save