Wararka u dambeeya ee ka imanaya magaalada xadaarada lahayd ee XALAB ee galbeedka Siiriya ayaa si toosa loo daawadey ciidanka dawlada Siiriya oo qabsaday laba degmo oo muhiima.
Argagixisada ayaa JABAY waxana fursad helay dadkii ku hoos noolaa ee darxumada u dhintey oo u soo cararay dhinaca dawlada Siiriya e barwaaqadu ka jirto.
Ciidanka ayaa ka saaray sadex degmo ama xaafadood oo ka mida Koofurta XALAB oo cadowgu ku jirey in muddo ah iyagoo taageero ka helayay Turkiga iyo Sucuudiga.
Wararkii u dambeeyay ayaa sheegaya in ciidanku ku siqayo xaafad sadexaad halkaana uu ku go’doominayo xaafadaha kale ee ay ku jiraan magaalada XALAB oo ahayd magaalo taariikhiya.
Argagixisada ku jirta kuna dhuumanaysa guryaha XALAB ee bariga magaaladaasi ayaa waxa taageera Turkiga waxayna ka mid yihiin urur diimeedka akhwaanka iyo kuwa Salafiga ee Sucuudigu taageero.
Ciidanka Siiriya ayaa ku rajoweyn in uu ka xoreeyo degmooyinka hadhey maalmahan soo socda.
Dagaalkan magaalada ayaa marhore la soo afjari lahaa waxase dheereeyay argagixisada oo ku jirta guryaha dhaadheer ee magaalada rasaastana ka soo dhex ridaya.
Rashiid Ceelaanyo
ARAABINEWS