Boqolaal Somalida Maraykanka ah ayaa ka qaybgalay xuska dhalashada rasuulkeena SCW. Xuskan ayaa ka dhacay gobolka Columbus ee dalkaasi halkaasi oo aad loo soo bux dhaafiyay.
Culumaa’udiin,dhalinyaro,Haween iyo Caruur ay waalidkoodu la yimaadeen goobta si ay u baraan dhaqankii iyo Sunadii wanaagsaneyd ee Nebi Muxamed CSW.
Culumaa’iinkii ka hadlay taariikhdii dhalashada ee Nebiga (NNKH) oo ay ku jireen kuwo aan Soomaali ahayn ayaa ku dheeraaday sida ay muqadas ama lagama maarmmaan u tahay in la barto sunadii Nebiga iyo saxaabadiisii loogana baahan yahay waalidiinta qoysaska Muslimka gaar ahaana Soomaalida in ay caruurtooda ku ababiyaan ayna baraan wadadii Rasuulkeena SCW.
Isu imaatinada lagu weynaynayo dhalashada nebigeena Muxamed SCW ayaa lagu qabtaa caalamka oo dhan waxaana lagu tilmaamaa in ay muhiim u tahay Ummada Muslimiinta si aan maanka looga saarin ku dayashadda tilmaamihii iyo dhaqankii wanaagsanaa ee Rasuulka SCW.
C/llaahi Warmooge
ARAABINEWS