Cabi Axmed oo isku shaandheyn ku sameeyay dawladiisa xilli Jawar sheegtay inuu buko

Raiisal wasaaraha dalkaasi Itoobiya ayaa isku shaandheyn ku sameeyay dawladiisa. Wasiirada la magacaabay waxa ku jira difaaca oo lagu bedelay madaxweynihii hore ee gobolka Oromada oo la safan Jawar Maxamed oo xidhan.

Hogamiyaha ururka dhaqdhaqaaqa Oromada Jawar Maxamed oo xidhan ayaa shaalay sheegay inuu si xun u buko isla markaana aanu arki karin dhaqtar dawladu wadato, ee loo diro dhaqtar isaga u khaasa.

Wuxuu kaloo codsaday inuu muuqaal ahaan ula hadlo qoyskiisa jooga Maraykanka isaguna bixiyo kharashka.

Isku shaandheynta

Cabi Axmed ayaa isku shaandheyn balaadhan ku sameeyay dawladiisa xilli inta badan dawlada ay mucaarad ku yihiin Oromada Jawar uu hogaamiyo iyo Tigreega oo isku daawanaya Jawar iyo Cabi Axmed.

Wasiirada la magacaabay waxa ku jira difaaca, Sayniska iyo waxbarashada sare, xeer ilaaliyaha, macdanta iyo batroolka, iyo la taliyaha raiisal wasaaraha.

Kadib dilkii heesaagii reer Oromo waxa Oromadu hilfaha u qaaday dadka Itoobiyaanka ee la degan qaasatan Oromada gaalada oo ay si xun u dileen, hantidoodana dhaceen.

Intaas wixii ka dambeeyay waxa welli jira rasaas ka dhacda magaalooyinka waaweyn iyo banaanbaxyo la qaban qaabiyo maalmaha qaar sida maanta oo kale.

Muranka ugu weyn ee u dhexeeya Oromada oo xukunka haysa ayaa ah in la sii wado federaalka iyo in la tirtiro gobolaysiga oo dawlada dhexe xukuka hayso, inkastoo nidaamka hadda jira uu iska yahay mid dawlada dhexe awooda leedahay.

Maxamed Yuusuf

ARAABINEWS