Ciidan uu watay Cabdiwelli Gaas oo xoog ku furtey qayb ka mida garoonka Muqdisho

War Goordhow naga soo gaaray Garoonka Aadan Cadde ee Magaalada Muqdisho ayaa sheegaya in Wafdigii Puntland ee kusugnaa maalmahaan magaalada maanta garoonka aadan cadde lagu bahdilay.

Masuuliyiin ka tirsan wafdiga Puntland ayaa ka hadlay sidii ay wax u dhaceen iyo qaabka la isku dayey in wafdiga Puntland loogu bahdilo Garoonka diyaaradaha Muqdisho.

Wasiirada Puntland ee ka mid ah wafdiga madaxweyne C/weli Gaas ayaa Airport-ka Muqdisho madaxweynaha uga soo hormaray muddo 40 daqiiqo ah sida lagu helayo.

Waxaana wasiirada laga xirtay qaybta VIP-da iyagoo mudadaas 40-ka daqiiqo ah taagnaa bannaanka halka diyaaradaha madaxdo ka raacdo.

intaas ka dib waxaa soo galay Madaxweynaha Puntland oo wata Ciidamada gaarka u tababaran ee P I S loo yaqaano, sidii si la mid ah ayaa madaxweynaha iyo wafdigiisa waxaa loo diiday qaybta V I P, waxaase albaabka xoog ku furay Ciidamada gaarka ah ee C/weli Gaas.

Waxayna taasi dhalisay Muran dhex maray qaar kamid ah shaqaalaha qaybtaas, iyo Ciidamada gaarka ah eeC/weli Gaas, iyadoona ugu dambeyn ay halkaasi ka dhoofeen wafdiga Madaxweyne C/weli Gaas.

Arrin ayaa ku soo aadeysa Xili P/land ay si weyn uga soo horjeesatay Warmurtiyeedka laga soo saaray Shirkii Madasha wadatashiga ee Muqdisho ka socday iyo Qaabka doorashada ee 2016-ka.

C/llaahi Warmooge

ARAABINEWS

Share on Facebook

Tweet

Follow us

Save