Shalay ayayd markii Almaas Cilman dil toogasho loogu gaystey xarunta Xalane ee ay degan yihiin qaar ka mida safgaaradaha dalka iyo weliba askarta ku naaxay lacagta ay ku qaataan nabad ilaalinta.
Dilka ayaan la garanayn askariga toogtey halka uu ka soo jeedo. Waxase lama ilaawaana goobta lagu toogtey inay ahayd goobta lagu sheego inay tahay halka ugu amaan badan Muqdisho.
”Waxaan dalbanay in khuburo caalami ah eegto sida dilkan u dhacay ayuu yiri afhayeen u hadley booliiska, waxase hubaala in hadda la tirtirey raadkii dilkaas oo ay adkaan doonto in la helo.
Almaas ayaa ka tirsanayd safaarada Somaliya ee Kiiniya. Waxa la weydiin karaa cida sida tooska u beegsatey Almaas. Askarta Meesha degan waa ogyihiin.
Almaas oo guursatey sanadkii hore ayaa la sheegay inay uur lahayd xilliga dilka dhacay, waxana intaas la raaciyay inay ka baxdey shir Qaramada midoobey ku lahayd xarunta ayna rabtey inay raacdo diyaarad u socota Kiiniya.
C/llaahi Warmooge
ARAABINEWS