Dawlada Somaliya waxay haysataa fursad ay ku badbaadiso qoxootiga Yaman: Siyaasi Ismaaciil Hure Buubaa

Muqdisho–Siyaasiga reer Woqooyiga ee Ismaaciil Hure Buubaa ayaa sheegay in dawlada Somaliyeed ay haysato fursad ay ku badbaadiso dadkeeda jooga Yaman halkaas oo dawlada Somaliya oo ka dananaysa lacagta Sucuudiga ay la safatay Sucuudiga iyo weerarka ay ka caawinayaan Maraykanku.

Xili loo baqayo xaaladda Qaxootiga Soomaalida ee Yemen oo ay ka socdaan dagaalo u dhaxeeyay dagaalyahaniinta Xuutiyiinta iyo dalalka Carabta ayaa Wasiirkii hore ee arrimaha Dibadda Ismaaciil Hurre Buubaa waxa uu ka digay dhibaato colaada halkaasi kasoo gaarta Soomaalida.

Ismaaciil huure Buubaa ayaa sheegay in dowladda looga fadhiyo hadda in iyada oo ka faa’iideysaneysa taageerada dalalka Khaliijka inay ka dalbato dalalkaasi in laga gacansiiyo sidii dadka Soomaalida looga soo saari lahaa Yemen.

Dowladda Soomaaliya mas’uuliyad ayaa ka saaran dadkaasi xitaa ma heystaan nolosha aasaasiga ah oo colaada awgeed meesha ka baxday ayuu yiri Wasiirkii hore ee arrimaha Dibadda Soomaaliya.

C/llaahi Warmooge

ARAABINEWS

Share on Facebook

Tweet

Follow us

Save