Waxa dhawaanahan baraha bulshada la soo geliyay xildhibaanad Canab Suubow Guure oo laga soo doorto Gaarisa ee gobolka Somalida ee Kiiniya oo agteeda uu yaalo calanka Somaliya iyo sawirka madaxweynaha qaranka Maxamed Farmaajo.
Haddaba waxa markiiba xildhibaanada ku xoomey askarta Kiiniya oo ka qaaday xildhibaanada ilaaladii guriga joogtey isla markaana loo hanjabay, taas oo nolosheeda ay hadda ku sugan tahay halis.
”Ilaa iyo intii sawirada la daabacay waxa gurigeyga la soo dul dhigey ciidan waxana la iga qaaday ilaaladii ii gaarka ahayd ayay tiri Canab Suubow Guure, hadda nolosheyda ayaa halis ku jirta ayay raacisay.
Sawirada Canab Suubow Guure
Qareen u hadlay dawlada Kiiniya ayaa sheegay in uu shaki geliyay daacanimada Canab ay u tahay dalka maadaama ay dal cadow ah soo bandhigtey sawiradeeda. Waxaad is weydiin kartaa yaa dalkooda la haysta ma Kiiniya mise dalkeena ayuu yiri Cali Calasow.
Si kastaba ha ahaatee Canab ayaa qabta in loo eryanayo xisbiga ay ka tirsan tahay oo ah kan madaxweyne ku xigeenka dalka, waxana markiiba difaacay isla xisbigaas oo cambaareeyay askarta la duldhigey. ” Waa la ii yeeri karaa anigu xildhibaan ayaan ahay Kiiniya waa dal xora laakiin cagah]juleyn iyo cabudhin waxba la igama qaadi karo ayay turi Canab.
Waxa taas qaba xisbigaada oo su’aalo kulul ka keenay ciriiriga la geliyay xildhibaanada. ”Maxay tahay calanka Somaliya lama taagi karo kan Maraykanka waa la taagi ayuu yiri xildhibaan Cabdiqaadir. Si kastaba ha ahaatee waxaan shaki ku jirin in Uhuru rabo inuu halis geliyo nolosha xidhibaanadan ayuu yiri Cali Calasow.
Shacabka Somaliyeedna isha ayay ku hayaan arintan, waxayna diyaar u yihiin shacab iyo dawladba inay garab joogsadaan xildhibaanad Canab Suubow Guure.
C/llaahi Warhaye
ARAABINEWS