Ehelada uu Maxamed Faarax ceebeeyay oo afka furtey

Ehelada uu ceebeeyay ninka la baxay Mo Faarax ee u orda Ingiriiska ayaa afka furtey, aadna uga xumaaday erayga ”waa laysoo afduubtey” kadibna waa laygu shaqaystey ilaa markii dambe nin cadaana uu isku dhiibey, kii oo markii dambana magacan siiyay sidaana loogu dhiibey qoys kale oo koriya.

Somalida badankeeda ayaa aaminsan inuu bug dhiibtey Maxamed Faarax oo ay ahayd inuu sheeko kale la yimaado ama uu bedesho magaca sida ay sameeyaan Somalida badankeeda. Ama afkiisa xirto maadaama uu hadda u baahnayn baasaboor Ingiriis oo magac ku yeeshay qaadana karo baasabooro kale ayuu qabaa Xuseen Warsame.

”Waa inoo caadi inaga oo ka nimi Hargeysa ama Burco oo laynaga dhaadhiciyay in Koofurta Somaliya cadowgeen tahay haddana markaan nimaad wadamada gaalada aan dib u raadino qabiilada Koofurta iskuna dhiibno ayuu yiri Xirsi Warfaa. Booliiska Ingiriisku hadduu run sheegayo ha baadho kiiskan waxana hubaala in hooyada Maxamed Faarax ay haweenaydani uu ceebeeyay ka caawisay sidii wiilkan gaajada looga kaxayn lahaa.

”Ha edbiso laakiin waa lay adoonsaday adeer cidna kaa yeeli mayso, hadaad is leedahay gaaladu hakuu garaabtana dee iyaga yaa ka xun oo caruurtooda dila, ma hadday iskaga kaaya dhigayaan kuwa aan shaqada barin caruurtooda ayuu raaciyay Xirsi Warfaa.

”Arintani maahayn in Nimco Faarax oo ah hooyada uu ceebeeyay Maxamed Faarax intey si lama filaana Jabuuti u tagtey kadibna ay soo afduubatey ninka hadda sheeganaya magaca Xuseen Cabdi Kaahin ayuu yiri Cabdi Geelle oo ay ilma adeer yihiin Nimco Faarax.

Waxana la xaqiijay in hooyo Nimco Faarax iyo qoyska Maxamed Faarax ay yihiin qaraabo dhow. Taasina waxay meesha ka saaraysaa sheekada ah waa lay soo afduubtey. Nimco Faarax ayaa qabta inay jeceshahay inay qaybteeda sheegto sida ay wax u dhaceen laakiin ay aaminsan tahay in ayna jirin cid rumaysanaysa Ingiriiska, haddana ay ku sugan tahay Hargeysa.

Fadeexadan ayaa la aaminsan yahay inay ku dhamaan doonta meelxun ayuu qabaa Xuseen Warsame, waxayna u badan tahay in Maxamed Faarax ku ceeboobi doono hadaanba laga qaadin baasaboorka uu bugta ku helay.

Maxamed Yuusuf

ARAABINEWS