Gobolada Awdal oo looga dareeray roob doon saakadii hore xilli gobolku marayo xaalad deg dega: WARBIXIN

Gobolada Awdal ayaa saaka looga dareeray roob doon iyadoo gobolka guud ahaan uu ka jiro abaar muddo soo jrtey oo ayna jirin cid wax ka qaban karta RABIGA AWOODA LEH mooyee. Ma jirto dawlad dadka u adeegta sidii dalku u burburey waxase Jira kooxo dadka ka shaqaysanaya.

Tusaale Siilaanyo oo hawlgaba oo gurigiisa marmar laga kexeeyo la soona wareejiyo oo sanado badan loo diidan yahay in uu hal suaal ka jawaabo wuxuu qaataa 12,000 oo doolar halka hooyada ku nool Awdal ama Woqooyi Galbeed ayna helin hal doolar maalintii.

Waxa ka sii daran ku xigeenkiisa Saylici oo isna qaata 7000 oo doolar halka aanu ku sheegan Karin reer Awdal ama kuwa kalaba waxqabad noloshooda wax ka bedela, inkastoo la yiraa awood malaha laakiin isaga iyo Siilaanyo waa isku mid waana la soo wada doortey.

Waxase shan sano uu soo jaqayay isaga iyo Siilaanyo lacag gaaraysa 20,000 oo doolar oo abaarahan ku filaan lahayd ku dhawaad 1000 qoys. Waxayse ku qaataan fadhiga.

Magaalada Boorama ayaa laga soomanaa sadex cisho si dhibka gaajada loola qaybsado dadka liita eev daadsan bartama iyo xeebaha gobolada Awdal. WAxa soonka ku dhawaaqay shiikhal baladka gobolka Awdal Sh. C/laahi Sh. Cali Jawhar.

Si kastaba ha-ahaatee shacabka reer Awdal ayaa saaka u daareeray tukashada salaad roob doon ah, iyagoo ALLE kaga baryayaan inuu raxmaadkiisa u shubo oo uu abaarta ka dul-qaado.

Maxamedc Yuusuf

ARAABINEWS