Goorma ayuu Sucuudigu noqdey kuwo Suniyiinta u dagaalama iyo fashilka Xasan Sheekh: QORMO

Goorma ayuu Sucuudigu noqdey mid u dagaalama waxa loogu yeero Suniyiin yaase isaga u xilsaaray miyaanu ahayn kan taageera argagixisada caalamka runtiina burburiyay dawlado Suniyiin ahaa. Yaase u dagaalamaya dagaalka uu iclaamiyay ee uu wehel ka dhigtey Xasan Sheekh iyo dawladaha fiqiirka..Bal ila fiiriya siyaasada foosha xun ee Xasan Sheekh wado iyo dantiisa gaarka ah.

Xasan Sheekh ayaa toos ula saftey Sucuudiga ee aan ognahay sida uu u sharaf dilo dadkeena. Dagaalka CARABTA taagta darani ku qaadayaan Xuutiyiinta Yaman waa mid ayna guul ka gaadhayn mana laha awood ay kaga adkaadaan diqsi.. Xasan Sheekh dantiisa ayuu u raacay Sucuudiga oo hadda ay saaxiibo yihiin Yuhuuda si ay Iiraan oo Muslima dagaal ugu qaadaan.

Dagaal Sucuudigu ku qaadayo Yaman oo dal fiqiira ah waa dagaal ay kuwada jiraan Yuhuuda, Sucuudiga iyo Maraykanka waayo Maraykanku waxay sheegeen in dhinaca sirdoonka ka caawin doonaan halka Sucuudiguna u diyaariyay Yuhuuda in diyaaradahoodu ka weeraraan Iiran hawada Sucuudiga.

Goormaa idiinku horeysay dagaal aad maqashaan waxa isku dhacay waxa loogu yeero sunni iyo shiico aanan ka ahayn markii Sucuudiga oo taageersan Maraykan iyo Yuhuuda ay burburiyeen Ciraaq. Xukunkiina ka tuureen Sadam Xuseen iyo suniytiinta oo qarniyo haystay Ciraaq.

Labada bulsho waa suniga iyo shiicadee waxay Ciraaq kuwa noolaayeen intii shiicadu dhalatayba ma jirin dagaal u dhexeeya iyaga. Goorma ayuu Sucuudiga wahaabiyiinta ay noqdeen kuwo waxa loogu yeero sunni u dagaalama.

DIB U FIIRIYA TAARIIKHDA makiibaa hadda na leh waxaan ka hortagayaa Xuutiyiin reer Yaman ah oo waligoodna xukumayay Yaman hadana siyaasad dastuur laysku haysto.

Waxaan hore u aragney siyaasadiisii Sweden ee fashilantey taas oo aanan marnaba u soo jiideyn shacbiga Somaliyeed horumar iyo soo dhaweyn iyadoo aan ognahay in Xasan Sheekh aanu gorgortan kala gelin Sucuudiga waxa Somalidu helayso.

Rashiid Ceelaanyo

ARAABINEWS