Hindi nin Somali-Kiiniyaati ah ku diley caasimada dalkaasi kadib markii

Jaamac Siciid Faarax waa Somali-Kiiniyaati u duulay Hindiya si uu u arko dhaqtar ka daaweeya wadno xanuun sida ay sheegtay gabadhiisa. Jaamac waa 50 jir wuxuuna deganaa huteel u dhow madaarka garoonka caalamiga ah ee New Delhi.

Sida ay sheegeen waaxda dambi baadhista Jaamac Siciid Faarax ayaa waxa diley rag tagsiileyaala kadib markii lagu heshiin waayay lacagta tagsiga. ”Jaamac ayaa waxa tagsiga la fuushanaa laba nin oo kale o ay saaxiibo ahaayeen dirawalka waxayna qaadeen qof sadexaad ayuu yiri sarkaal u hadlay booliiska.

Markii ninkii kale ka degay ayaa Jaaamac codsaday in isna la dejiyo markaana waxa laysku fahmi waayay laacagta tagsiga, kadibna way joojiyeen gaariga wayna garaaceen sadexdooduba waxayna ku tuureen huteel kale hortiisa isagoo budad lagu garaacay ayuu raaciyay.

Waxay kaloo la tageen alaabtiisii uu watey. Kadib markii la fiiriyay kaamarada wadada ku xiran iyo ta huteelka waxa la aqoonsaday ninka gaariga leh, waana la soo qabtey.

Intaa kahor waxa Jaamac laga soo celiyay madaarka New Delhi maadaama uu rabay inuu u dhoofo Somaliya laakiin ma haysan dal-kugal sida ay sheegeen waaxda socdaalka ee madaarku.

Jaamac oo xanuun wadnaha u yimi Hindiya ayaan arag dhaqtarkiisa maadaama uu jirey cudurka Karoona oo Hindiya aad u haya taasna ay keentay in balankiisa dib u dhaco.

Rashiid Ceelaanyo

ARAABINEWS