Imaarada Dubai oo dalxiisayaasha uga faaiideysa si kale iyo dhacdooyin yaable oo lagu arkay

Dubai–Imaarada Dubai ayaa dalxiisayasha yimaada dalkeeda uga faaiideysay si aan hore loo arag iyo dhacdooyin yaable oo lagu arkay. Dubai ayaa waxa sanad walba booqda malaayiin qof halkaas oo ay u yimaadaan nolosha xorta ah iyo dhismayaal casri ah oo aan aduunyada qaar ka jirin iyo waliba bulshooyin farabadan oo samaysmay.

Hadaba waaxda arimaha Islaamka ee dawlada ayaa sheegtay in dalxiisayaasha laga haqabtiro diinta Islaamka isla markaana bilahan ay durba diinta islaamka ku soo noqdeen (muslimeen) 53 qof oo u dhashay qoysas aan Muslim ahayn.

Dalxiisayaasha ayaa lagu casuumaa goobo lagu doodo isla markaana si xora ay fikirkooda u dhiibtaan una waydiiyaan suaalaha ay ka qabaan diinta Islaamka.

Sanadii 2013 waxa diinta Islaamka dib ugu soo galay 2115 oo qof taas oo ka dhigeysa dad aad u farabadan halka dhulka ay joogaan argagixisooyinka caalamka aan lagu arkayn hal qof oo aan ku dhalan dalal dadkoodu Muslimiin yihiin.

Dadka dib u soo gala diinta Islaamka ayaa inta badan jeclaada sinaanta dadka, faxalnimada, wax wada qabsiga, dulqaadka, naxariista iyo diinteena oo aan meelna ka tagin.

Nin u hadlay waaxda Islaamka ayaa sheegay in khatarta ugu weyn nooga imanayso in dadkaa diinta dib u soo galay ay gacanta u galaan kooxaha argagixisada oo maskaxda ka qabsada, wuxuuse ku daray in ay dabagalaan kana war hayaan.

Rashiid Ceelaanyo.

ARAABINEWS