Mandheera–Argagxisada shabaab ayaa sheegatay in ay weerar gaadmo ah ku qaadeen Jimcahan gudoomiyaha Mandheerada Kiiniya Cali Roba. Weerarka ayaa waxa ku dhaawacmey ilaalo la socotay gudoomiyaha. Gudoomiyaha laftiisa ayaan waxba gaarin.
Ragga weerarka geystay ayaa baasuuko ku weeraray gudoomiyaha waxa ay haleeshay mid ka mid ah gawaaridii uu watay gudoomiyuhu oo xiligaa marayay meel u dhexeysa lafey iyo finno.
Masuuliyiin u hadashay maamulka ayaa saxaafadda u sheegay in baabuurkii uu saarnaa gudoomiyuhu aysan soo gaarin wax dhibaata ah oo uu badqabo.
Ilo wareed ku sugan Mandheera ayaa laga soo xigtay in gudoomiyuhu uu safarkiisii sii watay isaga oo ku sii jeeday deegaanka Wargaduud.
Weerarka marka uu dhacay ka dib ayaa la sheegay in la waayay labo gaari iyo dadkii saarnaa kuwaas oo ka tirsanaa kolanyadii wafdiga.
Weerarka ayaa ka dhacay meel dhowr Kiilo Mitir u jirta deeganka carbiya oo ah meel 28 ruux oo safar ahaa lagu dilay 22 November 214.
C/llaahi Warmooge
ARAABINEWS