Ingiriiska oo haweenayda Margaret Mathew u magacaabay safiirka cusub ee Somaliya

London–Marwo Harriet Mathews ayaa loo magacaabay safiirka cusub ee dowlada Ingiriiska ee Soomaaliya u fadhin doona Somaliya waxayna bedelaysaa Mr Neil Wigan oo ah safiirka Ingiriiska ee hadda. Haweenaydan Margaret Mathews ayaa si rasmi ah shaqadeeda ula wareegi doonta bisha Juunyo ee soo socota.

Marwo Mathews waxaa ay wasaarada arrimaha dibadda ku soo biirtay 1997-dii, iyadoo hadda madax ka aheyd waaxda la dagaalanka cudurka Ebola. Margaret oo ah qof aqoon duruqsan u leh arimaha Afrika ayaa waxaa ay ka soo shaqeysay sadex goobood oo Qaaradda Afrika kamid ah sida iyadoo madax ka noqotay xafiisyada Bariga iyo galbeedka Afrika ee dowladda Ingiriiska

Waxay sidoo kale ka soo shaqeysay wadamada ay kamid yihiin Brazil,Israel and Afghanistan.“Waan ku faraxsanahay in la ii magacaabo safiirka Ingiriska  ee Soomaaliya waxaan u shaqeyn doonaa sidii loo xoojin lahaa xiriirka qotoda dheer ee Soomaaliya iyo Boqortooyada Ingiriiska waxaa aan u ahay qofkii ka caawin lahaa sidii Soomaaliya loogu soo celin lahaa nabada iyo deganaanshaha, tanina waa fursadii aan shakhsiyan ugu qeyb qaadan lahaa horumarkaasi” ayay tiri Margaret

C/llaahi Warmooge

ARAABINEWS