Sidii uu xukunka ula wareegay raiisal wasaare Cabi Axmed oo aan Muslim ahayn laakiin ka soo jeeda qowmiyada Oromada ee Itoobiya ugu badan waxa sii xoogeystay xilfaaltanka u dhexeeya qowmiyadaha ka jira Itoobiya.
Bishan 18- keeda waxa raba inay ku dhawaaqaan is maamul gooniya qabiilka yar ee cawaanka ah ee loo yaqaan Sidama waxana dabada ka riixaya qabiilada kale ee gaalada ah sida Tigreega iyo Axmaarada.
Waxa iyana meesha hore u taagnaa qowmiyada Somalida oo aad u kala daadsan hogaamiye xumo awgeed hadana muddo dheer dhulkooda Ingiriisku ka iibsaday Axmaarkii Xayle salaase.
Gaalada sida Tigreega iyo Axmaarada ayaa u sheega dadkooda inay is hubeeyaan oo ciidan gaara samaystaan si bay yiraahaan ay cadkooda u goostaan haday timaadana ku dhawaaqaan madax banaanidooda.
Waxaa sidaa u samaynayaan waxayna jeclayn Oromada gaalka ah ee hadda ka taliya Itoobiya ee Cabi Axmed oo aabihii Muslim saxa ahaa ayagoo ka baqaya in hadda ay adag tahay in la inqilaabo ayuu yiri Xuseen Warsame.
Qabiilka yar ee Sidama ee cawaanka ah ayaa hadda hoostaga waxa loogu magacdaray gobolada Koofureed oo ah isku jir qabiilo yaryara laakiin Sidamo ugu badan yihiin.
Waxayna rabaan inay ka dhex baxaan oo keligood istaagaan, waxayna codsi aan go’id ahayn gudbiyeen 18 Luulyo ee 2018 oo ah 3 kadib doorashadii Cabi Axmed.
Codiga goosadka ama maamul samaynta ayaa dastuurku dhigayaa in sanad la sugo si uu u dhaqan galo, waxayna ku egtahay 18 bisha Luulyo.
Haday iskood ugu dhawaaqaan waxan ka dhalan kara isku dhac ayadoo tan ugu muhiimsan ay tahay in Sidamuhu haysan magaalo weyn oo ay keligood degaan.
Su’aasha la is weydiin karo ayaa ah maxaa xiga xilli Cabi Axmed ka badbaaday inqilaab ay soo abaabuleen Axmaaradu. Haddii qabiilka Sidamo loo ogolaado afti waxay ka dhigan tahay bilowga burburka Itoobiya waayo kuwa kalana waa in loi ogolaadaa haddii loo diidana waa u dagaal.
Talo waxay joogtaa Cabi Axmed xilli gaalkii Milas Sinaawi isticmaali jirey isku dirka qowmiyadaha iyo xasuuq si aan gobolna u sheegan in afti loo qaado kaga go’aan Itoobiya laakiin Cabi wadadaa ma raaci karo isbedelka uu wado awgeed.
Itoobiya isa sii yaraysa dan ayaa ugu jirta Somaliya laakiin waa haday dawlad leedahay oo xoogan oo ilaashan karta xadkeeda.
Warbixintii Maxamed Yuusuf
ARAABINEWS
