Golaha wasiirada dawlada dhexe ayaa ku dhawaaqday in dalku maanta oo Salaasa galay xaalad degdega. Caasimada ayaa dadka loo sheegay inay iska fiiriyaan cida guryaha ka kiraysanaysa dibna u soo diiwaan geliyaan qoryaha sharciyaysan.
Waxa kale oo la dhigay wadooyinka waaweyn ee soo galaya caasimada xanibaado si loo ogaado cida soo galaysa. Talaabadan ayaa timi kadib markii falaagada Tigree ay dhuumasho ku galeen deegaano ka tirsan gobolka Axmaarada kadibna dad shacanba xasuuqeen.
Satalaytka cirka
Sarkaal u hadlay ciidanka Itoobiya ayaa sheegay inay ogaadeen in Maraykanku ka caawinayo falaagada dhinaca satalaytka ayna ka baydhayaan goobaha ay ciidamadu joogaan.
”Waxaan sirdoon ahaan ogaanay in ajaanib ay ka caawinayso dhinaca satalaytka taasina keentay in falaagadu ka leexanayaan goobaha ciidanka kadib sheeganayaan inay qabsadeen magaalooyin ayagoo si dhuumasho ku soo galaya ayuu yiri sarkaalkan magaciisa qariyay.
Sidaasi darteed waxa muhiima maadaama ciidanku aan joogeyn magaalo kasta waa in shacabku digtoonaan qabaan haddii kale sida shacabkaa loo xasuuqay ayaa la idiin xasuuqi ayuu raaciyay sarkaalku.
Tigreega oo si xun loo garaacay ayaa hadda ay ku soo hadhay dhuumasho ay ku galaan magaalooyinka shacabku degan yihiin siiba gobolka Axmaarada.
Sadex milyan
Maamulka Axmaarada oo iyagu fasaxay dhamaan shaqooyinka xafiisyada ayaa dalbanaya 3 milyan oo qorya qaada oo gebi ahaanba maabka ka saara Tigreega yar ee buuraha ku dhuumanaya.
Farogelinta reer galbeedka siiba kharashaynta Tigreega ayaan wax badan sii socon doonin waxayna qasbaysaa in milatariga Itoobiya mar labaad dib u qabsado gobolka Tigree. Waxase hadda walwal ku haya dawlada dhexe waa dhuumalaysiga Tigreega,
Maxamed Yuusuf
ARAABINEWS