Itoobiya oo Ruushka ka rabta inuu warshad nukliyeera u dhiso iyo khatarta jirta

Sarkaal ka tirsan waaxda Yurub ee Itoobiya oo la kulmey dhigiisa Ruushka ee arimaha Afrika ayaa laga soo xigtey in Itoobiya rabto in Ruushku u dhiso warshad nukliyeera oo ay ka dhaliso koronto. Wadamada waaweyn ayaa badankoodu korontada ka dhaliya nukliyeerka, sidaana ku hela koronto jaban.

Khatarta jirta ayaa ah dal aan deganayn oo hela tiknoolaji sidaasa oo halis ku ah dadka iyo deegaanka. Khatartaas oo soo gaari karta Somaliya. Inkastoo tani tahay arin curdina oo saxaafada Ruushku ka hadal ayaa hadana leh khatarteeda ayuu yiri C/qaadir Waaberi oo Ruushka jooga.

Halista jirta ayaa ah wadan Afrikaana oo aanan siyaasad ahaan deganayn oo laga dhiso warshad noocaasa. Dhisitaanka warshad noocaasa ayaa qaadata ugu yaraan 10.

Waxa wada xasuusanaa warshadii nukliyeerka ee Ruushkii hore ee Jinoobal ee qaraxdey sanadii 1986 sida looga,qaxay dhulkii oo ilaa hadda magaaladu tahay meel cidla ah inkastoo dhirtu si fiican u baxdey.

“Ani waxay ila tahay Itoobiya ma awoodo qarash ahaan, deegaan ahaan, iyo siyaasad ahaan inay marto wadadaas oo xataa Ruushku martigeliyo ayuu yiri C/qaaqdir Waaberi.

Waxase la fiirin halka looga sii qaado fikirkan. Itoobiya ayaa hadda korontadeeda ka dhalisa biyaha, ayadoo haddana dhisaysa biyo xireenka ugu weyn Afrika ee dhaliya Korontada. Waxa cajiiba iyadoo Korontada ka iibisa wadamada jaarka xilli deegaano ay ka mid yihiin dhulka Somalidu la daala-dhacayaan koronto iyo biyo la’aan.

Rashiid Ceelaanyo

ARAABINEWS