Kulankii ay ku baaqeen qaar ka tirsan salaadiinta gobolka Awdal oo aan dheg jalaq loo siin

Wararka ka soo baxaya magaalada Boorama ee caasimada gobolka AWdal ayaa sheegaya in aanay jirin haba yaraatee cid dheg jalaq u siisay kulan ay ku baaqeen qaar ka tirsan salaadiinta gobolka Awdal.

Salaadiinta ayaa usbuucii hore ku baaqay in xildhibanada labada gole kaga jira gobolada Awdal iyo Sala ay maanta oo Axada ka soo qaybgalaan kulan looga hadlayo arimaha gobolka.

Salaadiinta kulanka ku baaqay ayaa ah kuwa ugu cadcad ee ku xiran maamulka Siilaanyo oo la moodayay in taladu ka go’antahay oo la maqlo marka la eego sida ay saxaafada u horfadhiyaan

Xildhibaanada Awdal iyo Salal kaga jira labada gole ee maamulka Siilaanyo ayaa u shaqaysta si shaqsi ah waxana wararku nagu soo gaarayaan in aanay jirin mowqif mideysan oo ay noqotey in midkasta goonidiisa loola hadlo.

Qodobada la filayay in looga hadlo kulanka qaar ka tirsan salaadiinta ayaa ahaa oo ay ugu weyntahay arinta saamiqaybsiga iyo lixda goobood ee Lughaya ee beesha dhexe xidhatey.

Waxa iyana jirta in C/raxmaan Saylici aan loo sheegin kulanka oo isna la go’ay qaar ka tirsan xildhibaanada. Halka Maxamuud Xaashina la hadlay xertiisa.

Waxana soo baxaya in aan isku aragti laga ahayn arintan oo ay jiraan xildhibaano iyagu dantooda eegaya iyo kursiga ay hayaan. Waxana dhinaca kale jirta in aan salaadiintan shirka ku baaqay aan loo ictiraafsanayn in ay yihiin kuwa ay ka go’do talada Samaroon.

Wararka saaka aan raadinayn ayaa ah maxaa xiga iyadoo magaalada aan cidna imanin xabad xabad xildhiban oo hore u joogey mooyee. Wararka qaar ayaa sheegaya in halhal lola hadlayo oo la qabsan doono maalin laysku waafaqsan yahay.

Maxamed Yuusuf

ARAABINEWS