Madaxweynaha Iiraan oo dalbaday in la baaro dhimashadii ka dhacday xajka iyo sheekha ugu weyn Sucuudiga oo difaacay

Madaxweynaha Iiran ayaa dalbaday in la baaro dhimashadii ka dhacday xajka halkaas oo dhimashadu hadda gaartey 769 oo inta ugu badan ay ka soo jeedaan dalkasi Iiraan. Hadalka Iiraan ayaa waxa jawaab ka bixiyay sheekha ugu weyn Sucuudiga oo intuu kuwa boqorada sheegta eedayn lahaa eeda dusha uga tuurey RABIGEENA. Sucuudiga ayaa isaguna si rasmi ah eeda dusha uga tuurey wadamada masakiinta ah ee uu askarta ka qoranayo si uu MASAAKINTA Xuutiyiinta ugula dagaalo.

” Wadadii la sheegay ay raaci waayeen Afrikaanku taas oo keentay in laysku tunto ayuu yiri Sucuudigu..Ilaa hadda lama garankaro waxa loo joojin waayay marki la arkay qaladka. Sucuudiga oo lagu yaqaan in ayna jirin la xisaabtan ayaa jecel in uu fashilkiisa dusha uga tuuro dad kale.

Inkastoo la soo dhaweeyay magtii uu ka bixiyay dadkii ku dhintey wiishka waxa aan la garanayn in uu mag ka bixin doono dhimashadan ka dhacday Jamarat taas oo aad u badan.

Sucuudiga oo ah urur dimeedka Salafi ayaa Shiicada ku tilmaama in ayna Muslimiin ahayn waana tan ugu weyn ee ay dagaalka ugula jiraan Shiicada Yaman,,waxase aduunku ku qoslaa markuu wadamada fiqiirka ka dalbanayo askar si ay u fuliyaan fikirkiisa urur diimeed.

Dagaalka Sucuudigu kula jiro masaakiinta Xuutiyiinta ee dagaal ugu jira in ay xaqooda ka helaan Yaman ayaa waxa faaiido ku qaba Maraykanka iyo Yuhuuda oo ah halka Sucuudigu ka soo iibsado gantaalada uu ku xasuuqayo shacabka Yaman.

Iiraan ayaa waxa mashaqadan xajka kaga dhimatay 134 xujaaj waxayna xaq u leeyihiin in ay dalbadaan in laga qanciyo siday u dhinteen halka Sucuudigu ku farxayo dhimashada Shiicada uu dagaalka kula jiro uu eeda iska fogeynayo.

Hoos ka fiiri wadamada ugu badan dhimashada xajka.