Madaxweyne Farmaajo oo culimada ku canaantey inay doorkoodii gabeen

Madaxweyne Farmaajo oo culimada ka timi dalkoo dhan kula hadlayay Muqdisho ayaa ku canaantey kaalintooda ay gabeen la dagaalanka kooxda gaalaynta Muslimiinta ee shabaab oo daadiyay dhiiga muslimiin badan oo Soomaali ah ayadoo aan la qiyaasi karin hantida ay burburiyeen.

Waxa xaqiiq ah in meesha uu ka maqan yahay doorka culimada yar ee nadiifta ah ee ka hadli kara oo dhalinyarada tusi kara in kuwii hire dhiiga u daadiyay ay qarsaareen oo diinta meelna kaga qorneyn ina xalaashado dhiiga qof Muslim ah.

“Waxaynu u baahan nahay in dhalintaas beenta loogu sheegay in janno lagu galo dhiiga Muslimiinta ee lagu yiri Muslimiinta ayaa la gaaleeyaa in aan ka badbaadino wadada naarta ah ee ay ku socdaan, waxana maqan doorkiinii ayuu yiri Farmaajo.

“Waa loo jeedaa in ayna waxba faaiidin inay Muslimiin xalaashadaan dhiigooda mooyee, waana ogtihiin in lagu adeeganayo ayuu raaciyay madaxweyne Farmaajo.

Su’aasha dad badan is weydiinayaan ayaa ah koox laga guulaystey oo burbur ku dhow waqti ma lagu lumin karaa kuwii dhiigeena daadiyay in afka loo furo waxaanad is weydiin kartaa halka looga bilaabayo ayuu yiri Xuseen Calasow.

Si kastaba ha ahaatee hadalka madaxweynaha u jeediyay kooxda culimada ah ayaa ku dhacaya dhego cidka ah maadaama iyaga laftooda hore loo gaaleeyay, qaarkoodna marmar qaarkood ku hadlaan hadalo u dhow kuwa argagicisada

Sida kaliya ee looga guulaysan karo dhiigmiirato khawaariija waa in aan la tusin naxariis waayo markasta waxay kuu arkaan qof diin ka baxay hadaad tiraa war muslimiinta dilka ka daaya ayuu raaciyay.

C/llaahi Warmooge

ARAABINEWS