Danab hal qof ku diley gobolka Bay iyo dhaawaca 3 kale

Saacadihii la soo dhaafay ayaa deegaano ka tirsan Gobolka Baay waxaa ka da’ay roobab dadka ay ku qabowsadeen, xilli xaalad daran oo kuleyl iyo roob la’aan ay ka jirtay deeganadaasi.

Ka sokow roobabka dadka ay ku qabowsadeen, waxaa jirtay in danab ama biriq ay ku dhacday deegaanka Kanaanax oo ka mid ah deeganada hoostagga Deegaanka Buulo fulaay ee Gobolka Baay.

Dadka deegaanka ayaa xaqiijiyay hal ruux inuu ku dhintay danabkaas /Biriqdaasi, sidoo kalena dhaawac ay noqdeen illaa saddex ruux oo dad shacab ah, kadib markii ay ku soo dhacday danabka  xilli ay ku sugnaayeen aqalkooda.

Dadka dhaawacmay ayaa loo qaaday Magaalada Baydhabo, halka sidoo kalena qofka dhintay saaka lagu aasay deegaanka Kanaanax ee Gobolkaasi Baay ka tirsan.

Xilligan oo Gobolada dalka ay ka jirto xaalad roob la’aan ah ayaa dadka waxa ay yihiin kuwa dareemaya xaalad kuleyl ah, waxaana Magaalooyinka qaar lagu qabtay Salaad Roob doon ah oo Alle looga baryaya raxmadiisa.

C/llaahi Warmooge

ARAABINEWS

Share on Facebook

Tweet

Follow us

Save